انا حاسس اني اتنصب علي في كيا سول 2013 من معرض سمير اوتو
انا لسه شاري كيا سول توب لاين اردني 2013 من معرض سمير اوتو . اول حاجة اتخدعت فيها ان العربية خليجي . علي اساس ان التكييف والداهانات حاجة عالية يعني . وانابستلم وبخلص اجراءات البنك طلعت المفاجاة ان السعودي بس هو اللي فيه كده مش اي حاج تاني زي العراقي والاردني . اللي مش بيفرقوا اي حاجة عن المصري . وبتاع مبيعات المعرض مقاليش الموضوع ده خالص غير لما انا بستفسر عن المثلث والطفاية اللي بينزلوا مع الخليجي الليي انا عارفه من صاحب المعرض الحاج سمير اللي قالي علي موضوع السعودي ده . لكن انا قلت خلاص بقي المهم اني باخد حاجة 2013 وتوب لاين . اتكروت في الاجراءات والاستلام بشكل مش طبيعي وخدت العربية وروحت . بعدين لقيت عربية كيا سول 2012 ونفس لون اللي معايا . ابيض لؤلؤي . مفيش اختلاف نهائي عن اللي معايا .بالعكس ال 2012 فيها كشاف led مستطيل تحت الكشاف الرئيسي لكن انا عندي مش led . اتصلت بالمعرض علي التلفون الارضي عادي مش غير ما اقولهم اني شاري منهم . سالت علي كيا سول 2013 عندهم ولا لأ وبكام . اللي رد علي قالي انهم منزلهمش كيا سول 2013 اصلا لغاية دلوقتي . اتصلت ببتاع المبيعات اللي كان معايا من الاول علي الموبايل قلته دي 2013 ازاي وكمان ببص علي الورقة الملصوقة عليها بخط صغير مكتوب انها تاريخ الشحن للاردن 4-2012. قالي لانها بتترخص 2013 . وهنا كانت الصاعقة . ومش عارف اعمل ايه ودي اول عربية اشتريها والواحد طافح الكوتة علشان يلم القرشين بتوعها ده غير الاقساط .
مواصفات العربية : فرش جلد لونين - بصمة - مرايات ضم - فتحة سقف - تكيف تاتش ( هو زراير مش بكره وبيقولوا عليه تاتش ) - زرار تشغيل - كاميرا خلفية بتظهر في المرايا .
ارجوكم اي حد يفهمني او ينصحني او يقنعني مثلا . اعمل ايه انا المفروض ارخص يوم السبت بكره 30-6-2012
انا لسه مرختصش واستلمتها بتاريخ 27-6-2012
|