واووووووو ..عشا وبيبسى وعصير وشيكولاته كمان ..م/ محمد اشرف اخر كرم والله وكمان المهندس يحيى ..الف شكر
وبسأل حضرتك دكتور نوح يقال ان فى شركات الادوية كمية المادة الفعالة فى كثير من الادوية تكون اقل من النسب المطلوبة وذلك لزيادة المبيعات ..هل هذا مجرد كلام مرسل ام حقيقى ؟؟
لا طبعا ... بس الفكره اللي بتخلي مثلا صنف زانتاك اقراص افضل من رانتيدول وبدايله الاخري اننا لو عملنا اختبار للجوده هنلاقي ان نسبه الماده الفعاله في زانتاك مثلا 98 % انما في رانتيدول 85 % و هكذا في سائر الاصناف انما ان الشركه تكون متعمده هذا فصعب جدااا ... واللي كتير متعرفهوش ان المواد الخام برخص التراب ...
مثلا امبول زي ديبوفيت ب12 1000 مجم ( بتاع الاعصاب وبياخدوه مرضي السكر ) بيكلف شركته (العامريه) لحد ما يتعبي في الامبوله القزاز 35 الي 50 قرش ( الكلام ده من ناس في العامريه ) .,. بيوصل الي المستهلك الامبوله ب3 جنيهات ونص ...
السؤال الثانى لكل منتدى له طابع خاص به ..كيف ترى مصر موتورز ؟
غير انه متخصص وصاحب فضل عليه في خبرتي في الموتسيكلات ( احب اذكر فضل العضو ا.هشام jack box ) وخبرتي المتواضعه اللي باعرفها من الساده الكبار زي ادمير وم.استرا وم.يحيي وم.سمير عياد واخرون كثر...
الفضل الاكبر هو انه مدني بالمعلومات الصحيحه عن الثوره في وقت كنت خارج من وفاه والدي والدش بايظ ومفيش تلفزيون وطبعا الراديو كان مع النظام فبدات اعرف المعلومات الصحيحه من هنا وتحديدا من ناس زي م.وائل وا.سيلفر وكتير اخرون . الثوره في بدايتها كنت معتقد انها تهريج شباب بسبب وقف حالنا التجاري انما بعد ما عرفت حقيقتها ويعني ايه حريه من غير مراقبه امن الدوله والرعب بتاعهم امنت باهدافها وكل شيء يهون من اجل اصلاح مصر كلها...
السؤال الاخير لو تمنيت امنية يحققها لك الله قريبا فما هى ؟؟
اطلع والدتي الحج ... وربنا يفتكر جاري المنوفي ...
شرفنى واسعدنى الحوار مع حضرتك .