يا باشا اتوكل على الله
أنا لسه حاجزها النهاردة وهستلم الأسبوع الجاي إن شاء الله
وكان معايا قبلها بيجو 206 موديل 2004
ومخدتش قراري ده إلا بعد ما قريت حوالي ألف مشاركة عن اللوجان على المنتدى ده وغيره
وبصراحة اخترت اللوجان عن كامل اقتناع
أما موضوع الزراير ده فآخره أسبوع ومتبقاش مشكلة نهائي
أما موضوع فتح التانك والشنطة من الداخل فبالنسبة للتانك فدي ميزة مش عيب
لأنه من المروض إن العربية تحط بنزين والعربية مش دايرة
أما موضوع الشنطة فمعلش يا عم نستحمله شوية
علشان خاطر عيون اللوجان
ربنا يوفقك يا رب ولو محتار قوي صلي استخارة
إنما أوعى تقارنها بالفيرنا واللانوس
واوعى تقولي نفس الفئة السعرية
لأن اللوجان المفروض تكون في فئة سعرية أعلى إنما هيه جاية من غير جمارك