المشاركة الأصلية كتبت بواسطة chingy
كنت عايز اعرف من حضرتك ايه الفرق بين الابيزا 1994 وال1999 في الكماليات واداء الموتور وطب ليه حضرتك بتقول الابيزا 1994 افضل من 1999 بالرغم من انها كربراتير والكربراتير معروف ان مشاكله كتير وبيخلي صوت المكنة عالي والانجكشن طبعا احسن واحدث وغير كده اعتقد ان شكل ال1999 افضل من 1994 من حيث الاكصدامات طبعا اشيك وهل 1000 سي سي في 1999 كويس في الجري وانا بسمع كلام رائع عنها في الجري بالموتور الصغير دا فالكلام دا صحيح ولا لا وايه الكماليات اللي بتنزل في 99 وشكرا ليك وانا عارف ان اسألتي كتير بس لازم اسأل الكبير في الابيزا ولا كنت اسأل مين يعني
|
ابيزا 1994
1300 سي سي
كاربراتير
مفهاش باور ستيرنج لكن دركسيونها ناعم ال 1300 اقوي و تجميعه افضل لكن بيستهلك بنزين اكتر
ال 99 موتور اقتصادي بطبيعته مش رياضي لانه موتور صغير
الكربراتير ملوش مشاكل العربية معانا بقالها 15 سنة لحد دلوقتي الكربراتير متعملوش اي اصلاح و حاليا انا بحسب استهلاك البنزين بتاعها و هقولكوا بعد ما اخلص الصفيحة عملت معايا كام كيلو
شكل ال99 ميفرقش عن 94 غير في الاكصدامات و الشبكة و الشنب و ممكن تشتريهم و تركبهم علي ال 94 عادي جدا
ال 1000 سي سي بيجري و كل حاجة مش هيقولك لا بس مع التكييف اداءه بيقل جامد غير كده الموتور ده اصلا معمول عشان يبقي موتور اقتصادي موفر للبنزين مش معمول للفحت استهلاكه 380 كيلو في الصفيحة
الابيزا 94 افضل من ال 99 و اعلي اعتمادية ببساطة لان ال94 اساسياتها جولف 2 و3 اما ال 99 اساسياتها بولو و الجولف افضل و اقوي من البولو بكتير
الاسعار نزلت دلوقتي جامد واحد اعرفه لسه جايب ابيزا 99 فيها 1400 سي سي و عفشه سبور ب 35الف
ظهر ادامي كذا ابيزا 94 علي 28 و 30 و 32 و حالات كويسه