[احمد الشناوى1981]

المشاركة الأصلية كتبت بواسطة luckyman نسيت اقول حاجة ان دعم غزة مش تهمة ولا هو صدقة هو واجب على الشعب المصرى والقيادة المصريه نصره الحق ودعم اخواننا المحاصريين مش عايزين نعمل زى النظام القديم ونفضل نولول ومقدلاش ومش ينفع لما اسرائيل تحاصر غزة وتقطع الكهرباء وتدمر المستشفيات يبقى مصر تفتح الحدود وتدخل العلاج والمياه والطعام ونتقاسم كمان مع اهلنا دة واجب مش نتفرج على مسلسلات رمضان وياميش والدنيا اخر حلاوة وتعتيم وضرب ودك الفلسطنين شغال زى كل سنة من خمسين سنة اللهم ارنا الحق حقا وارزقنة اتباعة وارنا الباطل باطلا وارزقنة اجتنبه

جزاك الله خيرا
هو دة الى احنى محتاجينة لان ساعات بتكون فى غيامة قدام عيونا و منشوفش الحقيقة حتى و لو واضحة زى الشمس
افتكر و انا فى الكلية كان معاية واحد صاحبى من العريش و كان بيحكيلى ان ايام المعبر ما كان بيتفتح وقت حصار غزة كان الفلسطينيين بينزلو يشترو كل مستلزماتهم من اول الزيت و السكر و السجاير و الادوية حتى اللحوم و الاسماك من العريش و للأسف كان الاهالى بيضاعفو الاسعار و يستغلو الظروف الصعبة الى اهالى غزة بيعشوها حتى قالى ان كيلوة السمك ابو 10 جنية كان بيوصل 70 جنية !!!!!!!
و هو بيحكيلى كان شايف ان الموضوع عادى و مفيش فية مشكلة او حاجة يكون محرج من الكلام عنها
مش عارف اية الظروف الى تخلينا نكون مغيبين للدرجة دى و بدل ما كل واحد فينا يساعد على قد ميقدر. لا بالعكس بنتاجر بمصيبتهم . و ربنا يكون فى عونهم هيلقوها من اليهود و الا من المسلمين الى بيستغلو ظروفهم بكل برود !
- و من ناحية تانية كنا بشوف مصريين لسة قلوبهم صاحية و بيروحو بقوافل المساعدات من كل حتة فى مصر على الرغم من كمية التعنت و المشاكل الى كانو بيواجهوها من جانب الحكومة المصرية و بيروحو لغاية المعبر و يبيتوهم فى الشارع و تفتيش و اهانة و مشاكل و مش عارفين فى النهاية هيقدرو يوصلوها و الا لأ بس كانو حاسين بالمسؤلية .
عموما ان شاء اللة الايام الى جاية تكون احسن و ربنا يهدينا جميعا