المشاركة الأصلية كتبت بواسطة وائل الصياد
السلام عليكم جميعا
أولا : أتشرف بالتعرف على الرابطة المحترمة وأتمنى أفيد وأستفيد
ثانيا : أنا لسه شارى كيا سيفيا 1999 أوتوماتيك عاملة 94000 كم بس من شهرين ب 35000 جنيه ودى أول عربية أسوقها فى حياتى بناءا على نصيحة ناس كتير قوى وطبعا رحت لميكانيكى و غيرت زيوت وفلاتر وتقسيمة الموتور عشان إستهلاك البنزين بس المشكلة أن التنك 50 لتر بيعمل حوالى 350 كيلو بس من غير تكيف داخل إسكندرية بسرعة متوسطة من 40 - 60 كيلو / ساعة والميكانيكى أكد ليه ما فيش مشكلة فى الحساسات وسؤالى
سعر العربية كده كويس ؟؟؟ أعمل إيه فى مشكلة البنزين دى والطبيعى كام كيلو وحد يعرف مكان بيع إكسسوار كويس فى إسكندرية ؟؟
وشكرا مقدما وآسف على الإطالة
أخوكم وائل الصياد
|
السلام عليكم ورحمة الله اولا مبروك علي العربيه ثانيا سعرها كويس بس لو حالتها كمان كويسه يعني حالة الفبريكه بتاعتها والعفشه ثانيا بالنسبة لمسألة البنزين فإنت عندك مشكله في حاجتين ياإما كمبيوتر العربيه فيه مشكله وده بيتطلب انك تروح عند واحد عنده جهاز كشف الاعطال ولو قالك ان كمبيوتر العربيه فيه مشكله يبقي تغيره او ترضي بالمكتوب او يكون العيب في حساس الشكمان وده هو غالبها المسئول عن سرعة حرق البنزين ممكن جهاز كشف الاعطال يقولك انه سليم بس المشكله بتكون فيه لانه بيطلع قرائه غلط فيه حاجه اخيره وهي ان من الممكن يكون فيه خلل في ضفيرة المتور وبين علبة الفيوزات ممكن تخلي الحرق زياده معدل حرق البنزين 400 كيلو يحتاجو ما بين 38 لتر الي 42 لتر ده في التحرك بسرعه منخفضه وعايز اقولك علي حاجه كمان ان السلنسيه ممكن يحرق بنزين كتير وانت واقف كان نفسي اشرح اكتر بس ايدي وجعتني من كتر الكتابه