السلام عليكم ورحمة الله وبركاته
كنت عاوز اعرف اسعر عربيتي للبيع لظروف السفر فكنت عاوز اعرف سعرها هيكون في متوسط كام وهقولكم كل حاجه فيها
العربية رينو لوجان بترولي 2012 منوال رخصه قدام سنتين لسه متجدده
عامله حوالي 21000 واحد وعشرين الف هي صحيح موديل 2012 بس اشترتها في 7/2011
العربيه فابريكه جوه وبره
فيها طبعا خدوش فيها زي اي عربيه في مصر
الرفرف الشمال قدام كان مخبوط واترد علي البارد
بعض الخدوش والنقر في الجانب الايسر مش كتير ومش باينه قوي غير لما حد يركز
نقره صغير في السقف مكان طوبه فوق الزجاج الخلفي علي طول
طبعا مرايات اللوجان سوست يعني بتقفل بالعافيه ده الطبيعي بس المرايه اليمين عندي بتفضل مفتوحه علي طول مابتقفلش غالبا اللوك بتاع السوسته بتاعتها باظ بس ده مش ماثر فيها
طبعا الاتنين مرايه كهربا وشغالين زي الفل
الاستبين لم يستخدم بعد
الصيانات الدوريه في مواعيدها بس لسه صيانه 20000
طبعا مش هتكلم علي الحاجات التانيه زي حاله المتور والبطاريه والعفشه العربيه لسه مكملتش سنه
وشكرا ليكم ومستني الردود
د/محمود