المشاركة الأصلية كتبت بواسطة s.aziz
السلام عليكم ورحمة الله وبركاتة ...
السادة اعضاء المنتدى المحترمين
عايز اخد نصيحة السادة الافاضل اعضاء المنتدى فى االعربية البروتون واجا موديل 2005 ولو حد لية راى فيها او وجهة نظر انا مش شايفها اصل بصراحة انا بحب العربية دى وبدور حاليا على عربية موديل 2005 او اعلى بس شرط الحالة تكون كويسة ...... فانا الى طالبة من زملائى ف المنتدى الاتى اولا الرد على الاسئلة التالية :-
1- هل لو معاك فلوس ف حدود 50 او 55 الف تجيب واجا ولا تجيب عربية غيرها وياريت ذكر السبب ..؟ وهل تجيب عربية نوعها اية
2- شكل العربية لو لمرحلة الشباب اى نعم هى ف الاواخر بس مش بعيد قوى ( 30سنة بقى ) تبقى مناسبة 
3- استهلاك البنزين ف العربية بتعمل كام كيلو ف العشرين لتر ( الصفيحة يعنى ) داخل القاهرة ف الزحمة ووجع القلب 
4- قطع غيار السيارة هل هى معمرة اولا وثانيا اسعارها ف المعقول ولا عالية بالنسبة لنفس فئة العربية .
5- هل البروتون واجا موديل 2005 او اعلى فعلا عربية تقتنى ولا ممكن بعد فترة اقرر تغيرها لانى محتاج عربية اقتنيها مش ابيعها تانى ( لانى بصراحة لاقيت ان العربية بتبقى قيمتها ف وجودها معاك مش ف فلوسها لانك ف كل الاحوال هتخسر لو بعتها ) .
6- اغلب مشاكل العربية هل هى مشاكل ممكن يتم التعامل معاها ولا بمعنى اصح بتنح معاك ... وهل يوجد اماكن او مراكز صيانة او ميكانكية بعيد عن التوكيل يمكن الاعتماد عليهم .
ثانيا بقى
عايز نصيحة الاعضاء لما اروح ابص على عربية لنفس الموديل اية هى اهم الحاجات الى لازم ابص عليها وانا بتفرج على العربية .
شاكر لكل اعضاء المنتدى واتمنى فعلا ان حد يفيدنى ف الموضوع دة لانى غلبت على النت ومش لاقى موضوع شامل عن العربية يبين اية مميزاتها وعيوبها العملية مش على الورق بس . |
1 - لو مقتنع يالعربية و عجباك دوس و هاتها هي عربية جميلة و شكلها سبور و لو عايز تقارن بعربية تانية عندك الجين 2 2007 او بروتون ساجا 2010 او رينو لوجان 2010
2 - شغالة ماتقولش لا
3 - 6.1 لتر لكل 100كم بسرعة 90كم يعني الصفيحة حوالي 310 كم
4 - رفرف واجا 275
كبوت واجا 800
اكصدام خلفي واجا 290
شبكة امامية حديثة واجا اصلى 600
اكصدام امامى حديث واجا اصلى 650
فانوس غماز واجا 50
فانوس شبورة واجا 260
فانوس خلف حديث واجا 440
حلية شنطة خلفية نيكل واجا 260
ماكينة زجاج خلفى واجا 380
فانوس خلف واجا قديم 175
طقم دلاية واجا 4 قطع 100
شبكة امامية نيكل واجا 200
قربة مساحة واجا 120
كف مرايا واجا 70
كرتيرة رفرف واجا 110
كابل اكرة خارجية واجا 50
كابل اكرة داخلية واجا 50
وش تقسيمة واجا 180
اكرة خارجية امام واجا 70
اكرة خارجية خلف واجا 70
مفتاح زجاج رباعى واجا 350
مفتاح زجاج فردى واجا 110
مرايا كهرباء واجا 440
هواية تكييف شمال واجا 170
هواية تكييف يمين واجا 170
ماستر علوى واجا + جين 2 150
ماستر سفلى واجا 110
ماكينة استوب واجا 80
خرطوم ردياتير سفلى واجا 65
ماسورة مياة واجا 180
كابل بوجيهات واجا 125
طلمبة بنزين واجا 620
طقم طنبورة خلف واجا 520
علامة واجا 70
5 - اهم حاجة الحالة النضيفة غير كده هتكره اليوم اللي فكرت تجيبها فيه و الكلام على اي عربية طبعا
6 - مسمعتش حد قال حاجة زي دي عليها بس برده خد ميكانيكي بيفهم فيها معاك و اهم حاجة يكون امين ... اكيد فيه لانها عربية مش جديدة و اسأل في المكان بتاعك و اكيد هتلاقي ناس بتفهم فيها
مش هفتيلك لاني مش عارف بس خد ميكانيكي فاهم و هوة يجيبلك اللي فيها
وربنا يديك خير العربية اللي هتجيبها و يبعدك عن شرها