رد: اريد افضل سياره اوتوماتيك فى حدود 50000
مبدئيا بالنسبه للنوبيرا الاتوماتيك والله انا محتار برضه لانها عامله زى البطيخعه اعرف ناس كتير معاهم وماشتكوش منها وناس تانيه طلع عينهم وغيروا الجيربوكس بس عامه سعرها نازل جامد جدا فممكن تجيب حاجه لقطه واهم حاجه تكشف عليها وبعد كده لما تشتريها تحافظ على الفتيس ومتحرقش وتغير زيت الفتيس فى ميعاده
ارشحلك لانسر كريستاله 98 / 99 / 2000 اتوماتيك 1300 سى سى يابانى عربيه محترمه جدا وماشاء الله عليها شغاله زى الفل واقتصاديه وقليله الاعطال بس طبعا مهم جدا الحاله
تويوتا كورولا عيون 98 /99 ودى طبعا كموتور وفتيسش عربيه محصلتش بس قليله شويه عن اللانسر
هوندا سيفيك 92 /93 عربيه جباره جامده جدا اداء وسرعه وسحب وجرى وموتور وفتيس جبار وهوندا من احسن الشركات اللى بتصنع فتيس اتوماتيك فى العالم ومواتير vtec الرهيبه بس طبعا من 92 قديمه شويه الا لو حالتها ممتازه او ممكن لو قربت على 60000 حنيه تشوف سيفيك 97 برضه عربيه محصلتش
|