[asom_6]

أحب أضيف لكلام حضراتكم موضوع سعر إعادة البيع

طبعاً كونك تستثمر فلوسك فى عربية تكون بتحبها وتسهل عليك حياتك ده شىء طبيعى ,ومن الوارد طبعاً أنك تحب تبيع لأى سبب بغرض التغيير أو لضائقة مالية (ربنا يوسع علينا كلنا يا رب)

فتيجى حضرتك تبص لأختيارك تلاقية منحصر مابين سيارة ماسكة سعر اعادة بيع زى اللانوس والفيرنا
أو سيارة سعر اعادة بيعها ضايع فعلاً زى الأسبرانزا والبى واى دى واللوجان

وعلى الرغم من انى لا اقلل ابدا من قيمة الثلاثة المذكورين فى الأخر دول ,وعلى الرغم من انى انا نفسى وانا معايا لانوس كنت عاوز اللوجان فى الاساس ... لكن ظروف السوق اللى بتقولك ان اللانوس او الفيرنا لما بتبيعها بتنزل من تمنها حاجة بسيطة والباقيين علشان صينى او فرنساوى مش منتشر لسه فالتمن بينزل الأرض ...... معادلة سوقية غريبة جداً لكن واقعية تماماً

أنا لما أجى أشترى عربية جديدة لازم احط فى اعتبارى انى ممكن ابيع بدرى لأنى ممكن اكون مرتحتش مع العربية او ممكن اتعقدت منها لأى سبب ... اقوم الاقى التمن نزل 15 الف مثلاً او اكتر مرة واحدة ؟؟
أرى انه وحتى تنحل مشكلة السوق المصرى الغريبة دى خليك فى المضمون ((كأعادة بيع)) أحسن