المشاركة الأصلية كتبت بواسطة sayed2077
بص يا اخى انا ركبت لانوس 2012 بالنسبه ليا انا اللى معايا 128 فبصراحه تجربة سواقتها كانى سوقت مرسيدس فعلا بلا ادنى مبالغه |
حضرتك كدة جبت سر نجاح اللانوس الاسطورى ومش شرط الاداء لكن انها نزلت بسعر مدروس وذكى جدا وبكماليات جت كتجهيز اساسى زى الباور والمريا الكهربا والزجاج والار بى ام وتككيف وعجله قابله للاماله وكانت بس من 39 الف وفضل سعرها مدروس فترة طويله مما شجع فئات كتير من المجتمع انها غير للانوس وقبلها كانت راكبة تنكولوجيا قديمة تعود لفترة بداية السبعينات وبالتالى العربة نجحت اوى واللى نزل من التكنولوجيا القديمة وركب لانوس طبعا كانت نقله نوعية وطفرة خاصة ان المنافسين محدوديين ولم يستطيعوا المقاومة زى الكيا السيفيا والهيونداى الاكسنت
لكن هنا نلاقى ان اللى عايز يجيب اللانوس بيقول انه من هواه السرعة يعنى عايز اداء وتماسك على الاقل يكون جيد وبالتالى انا فهمت انا متمكن فرديت علية بامانة وتجربة طويله مع لانوسات كتير
لكن طبعا لو انسان مش متطلب وعايز سيارة متوسطة ذات اداء اقتصادى وبالسعر دة فحتكون بالتأكيد يا اما اللانوس او الفيرنا
وياريت اللى بيفكر فى العربيات دى يبدأ يفكر فى بى واى دى اكيد اوسع واثبت واشيك من اللانوس والفيرنا وتكنولوجيا افضل
كمان فى الاسبرانزا الام 11 بغض النظر عن توفر قطع الغيار سيارة اداءها كسحب وتماسك عالى وجيد جدا حتى لو صينى ما تخفش منها
اقصد نطلع من قائمة الاختيارات المحدودة