هاحكيلكم حكاية مصر موتورز بس تكملوها معايا
قبل ما احكى الحكاية هقولكم ليه بحكيها اصلاً
على مدى خمس سنوات واعضاء كثر بيطالبونى بكتابة ( تاريخ مصر موتورز) بمعنى سرد كيفيه تأسيسة وانشائه خاصة وان فى تأسيسة سبقه مراحل عديدة وقصص وحكايات اثرت على العديد من المواقع المتخصصة فى السيارات فى مصر وتداولها بعضهم بوجهات نظر مختلفة كل من زاويتة وكل بنصيبة ... لكن كنت شايف ان تاريخ الموقع كعمل جماعى علشان يتكتب لازم كلنا نكتبه سوا
مش كفايه ولا صح انى استعرضه من وجهه نظرى الشخصية حتى لو كنت مؤسس الموقع لانكم كلكم اسستو وبنيتو الموقع ده معايا وكلنا مكملينة مع بعض ويارب يجى بعدنا اللى يكملو ويزيدو على كل اللى عملناه كلنا
يعنى هو هرم مصرى كلنا بنبنيه مع بعض
فمن التضليل ان ادعى ان قصه بناء اول دور هى كل الحكاية..
فانا لقيت الحل انى اكتب شهادتى الكاملة (بعبلها) بتفاصيلها ب(سلطاتها) وتشاركونى الكتابة بدايه من السادة مؤسسى الموقع ومدرائه ومشرفيه واعضائه وحتى زوارة
مصر موتورز اثبت انه نموذج يستحق الدراسة لعمل جماعى ناجح والحمد لله
نتمنى ان تجاربة تفيد كل الشباب من جيلنا اللى عايزين يستغلو طاقتهم وتطبيقات التكنولوجيا الحديثة لخدمة مصر
وما احوجنا لذلك
طبعاً فيه اسباب كتير عامة وخاصة لكن مش هطول ومش هقول اكتر من
عرفانى بفضل كل من سيتم ذكر اسمائهم فى سياق (الحكاية) سواء من اتفقت معه او اختلفت فانا اتعلم من اخطاء الاخرين كما اتعلم من اخطائى
كفايه رغى بقى علشان دماغكو على الصبح والحكاية فى السكة
قريباً .....