ووجد مع الزيت القديم رايش والفتيس مش راكز مع الكوبلن
|
طيب حضرتك كشفت على العفشه من الأمام
وشوفت حالة الفرد والمقصات
وبيض مقصات الفرد الأماميه
وكمان لازم تطمن على أن الفرد مش بتلعب لبره وجوه
لأن ملصان عمود الكبلن من فتيس مش بالسهوله دى
( إللى هى مش راكز فى كلام حضرتك )
-----------------------------
وواضح طبعا أن تلف السيل أو السيلات لأى سبب
أدى لنقصان منسوب الزيت بالفتيس
فأشتغل الفتيس على ضغط زيت ضعيف
وهنا بيحصل تفويت فى كلاتشات الفتيس
مما يؤدى إلى تواجد رايش بالزيت
-------------------------------------
طيب إيه الصح حاليا
1- يتراجع على كل مكونات العفشه من الأمام
2- يتراجع على رؤؤس الكبالن من الداخل
3- يتم إنزال الزيت بالرايش
4- وضع زيت تشطيف لغسل أى بقايا من الرايش بعد إنزال الزيت
ومحتمل تواجدها فى الخطوط والفالف بودى
( خريطة الفتيس )
5- يتحط زيت فتيس جديد ومخصص للأوتوماتيك
وتتجرب العربيه
------------------------------
لو الآداء بأه تمام
يبقى الحمد لله إنها جت على أد كده
أما لو طلع فيه مشكله فى السحب والتسارع
يبقى فى الحاله دى
هتحتاج للأسف تغير الفتيس
------------------------