السلام عليكم و رحمه الله و بركاته
اعضاء المنتدى الكرام انا حصل معايا موقف امبارح و انا مش فاهم ايه الي حصل !!
انا عربيتي مرسيدس 220e موديل 93 2.2L
كنت بمشي و لفيت لفه جامده بالعربيه (( دريفتــ يعني ))
يعني المهم و انا بمشي حسيت العربيه فيها حاجه غلط
و لما بضرب فرامل الدريكسيون بيبقا تقيل جدا المهم انا اترعبت و خفت للحاج يعرف اقضيها انا مكروباصات ..
المهم رحت ركنت و بعد ما السياره هديت بحوالي ساعتين رحت فتحت الكبوت
ولقيت سلك كهربا موصل من المكينه للعلبه الفيوزات الي قدام السيرفو اتوقع موصل للسيرفو كمان كان مقطوع انا استغربت قمت موصله كده توصيله كروكي يعني لفه الحتت الباينه من الجهتين و خلاص و و دخلته من تحت عشان ما يلمسش حاجه و قمت بالمره زودت زيت الباور (( الدريكسيون )) و بالمره زودت ميه كمان و جربت قمت مسمي بالله و مشغل و ضغط الفرامل ع الاخر و لفيت الدريكسيون لقيته تمام زي الاول و غير كده انهارده و انا راجع من الامتحان دست جامد العربيه شدت و فزت بسرعه عكس قبل كده يعني في تحسن في التسارع و انا لحد دلوقتي مش عارف ايه كانت مشكله الدريكسيون و ايه السلك الي انا وصلته ده و ايه الي حصل في العربي فيريت اي حد يوضحلي ايه الي حصل ؟
و شكرا ..