يا جماعة الحقونى .... انا عملت حادثة وعاوز المساعدة ضرورى
اهلا بالاعضائ الغاليين
ببساطة واختصار
وانا ماشى فى المقطم كنت ماشى على سرعة حوالى 40 وكان فى عربية ميكروباص 26 راكب جنبى وكان قدام فى مطب وانا كنت اول مرة اطلع ومش حافظ المطبات ..... المهم كنت بتكلم فى التليفون وكان ادا م المطب عربية بوكس شرطة واقفة
المهم انا مخدتش بالى كنت مشغول فى التليفون وروحت لابس فى عربية الشرطة طبعا عربيتهم مش حصلتلها الحاجة
نيجى بقى انا اللى اتعورت جامد اوى
الخبطة جت فى الجنب اليمين مش بتاع السواق
الشبكة بالجنب من عند الرفرف الامامى اكنك جايب علبة كنز ومطبأها بايدك لدرجة ان العضم من جوة باين
دلوقتى انا عاوز اعرف ممكن ارجع العربية زى الاول
والتكلفة هتكون كام تقريبا لو انا هرد الجزء الى باظ ده بس من غير دهان
وكمان بعد ما تخبطت لقيت ان الكبوت اترفع مبقاش معدول عاوز يضبط
وكمان زراع النور اللى جنب زراع الاشارة بقى تقيل اوى ده طبيعى وممكن يضبط ولا لاء
انا معايا 131
ارجو الرد سريعا
|