المشاركة الأصلية كتبت بواسطة Toyota Corolla
السلام عليكم و رحمة الله أخوتى الأعضاء.
مبدأيا كده أنا مش بروج للجهاز ده ولاحاجة عشان أنا مش تاجر و لا ببيعه الحكاية هى إنى طلبت من واحد صحبى سافر الصين الأسبوع الماضى جهاز تتبع للسيارة و فى نفس الوقت بيفصل دائرة الكهرباء و المحرك.
فكلمنى وقالى فى جهاز له IP مثل الحاسب ويمكنك تتبعه عن طريق حاسبك بواسطة القمر الصناعى GPS يعنى و يمككنك فصل كهرباء السيارة من النت فى الحاسب مهما ابتعدت السيارة يعنى مش 2 كم والكلام الفاضى اللى فى الأجهزة التعبانة اللى بيضحكوا علينا بيها.
الجهاز قد الموبيل تقدر تخبيه فى أى حته و بيبقى معاك ريموت الجهاز تقدر تخبيه فى هدومك عشان لا قدر الله تعرضت لاعتداء من قطاع الطرق أخدوا العربية ،العربية هتفصل أوتوماتيك بعد 30 ثانية من ابتعادها عن الريموت اللى انت مخبيه فى هدومك و مش هتدور تانى.
بعد كل ده اتفجأت لما سمعت سعره اللى هو 500 جنيه  :10CC26 ~164:
عايز رأيكم فى الجهاز ده يا شباب 
وأنا عن نفسى لسة صاحبى موصلش و معرفش اسم الجهاز ايه
و رجاء خاص مش عايز تجار يدخلوا يقولوا الصينى درجات و درجات عشان البوقين عارفهم. |
اولاً:الف شكر على المعلومة..
ثانياً:بمثل هذه الأمكانيات بجد شىء لايصدقه عقل (على رأى شويكار ههههه)..
ثالثاً:حضرتك الفيصل فى درء اى كلام يقال عن هذا الجهاز وذلك عنمدا يصل صديق حضرتك باالسلامة من الصين وحضرتك تجرب الجهاز وبأذن الله يكون التطبيق مثل ماشرحت حضرتك ويتضح ان كل ماقلته تمام يبقى كده شىء فوق الوصف ...
لذلك نتابع وبأهتمام شديد وصول صديقك با السلامة اولاً ثم تجربة الجهاز ونهنئك على نجاحه ثانياً ,
مرة أخرى الف شكر على الأفادة والمعلومة العظيمة,بارك الله فيك
:CH UBBY~36: