رد: تقسيط المستعمل
الاخت الفاضلة منال اهلاً بيكى فى مصر موتورز وشكراً على الاطراء الرقيق واتمنى اننا نكون عند حسن ظنك دائماً
طبعاً الشق الخاص بنظم التقسيط هيرد عليها استاذ سيف المشرف المختص بإذن الله
لكن انا بنصح حضرتك اذا كنتى عايزة تبعدى عن اى شبهه حرام فى التعامل مع البنوك واذا كنتى هتدفعى كل مرتبك فى القسط فعلاً انك تصبرى شوية وتزودى على مبلغ المقدمة وتجيبى مستعمل لان العربية القسط مصاريفها مش بس قسط زى ماناس كتير فاكره
غير القسط فى تامين وفيه تراخيص وفيه صيانات دورية وفيه بنزين وفيه اكسسوارات وحوادث لاقدر الله فمش صح خالص انك تحطى كل دخلك فى القسط لان القسط ده هيقعد سنين وبكده هتقعدى فترة كبيرة مضغوطة مادياً بشكل كبير
وفى المقابل لو اشتريتى مستعمل بحالة جيدة مش هتصرفى عليه فى سنة او اتنين قد ما هتصرفى على الجديد صيانات دورية وتكونى شيلتى قرشين كمان براحتك وبدون ضغط على ميزانيتك تقدرى تبيعى العربية ساعتها وتجيبى حاجة اعلى او قسط بفوائد وضمانات اقل مثلاً
عامة اتمنالك كل التوفيق فى قرارك واهلاً بيكى مرة تانية فى مصر موتورز وكل سنة وحضرتك بخير
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|