[koashraf]

المشاركة الأصلية كتبت بواسطة كيا سيفيا يعنى ايه تنتخب مرسى : مرسى يعنى وزارتك حايبقى بيديرها البلتاجى والعريان وبركة وصفوت حجازى وصبحى صالح والزمر وعبدالماجد .. على فرض ده حصل ولو انه مش صحيح لانهم لديهم الكثير من اهل الخبره المتخصصين..مش احسن من عز اللى سرق شركة الحديد والصلب اللى مبنيه من دم المصريين بالتلاعب بالبورصه و بطرس الحرامى اللى جاب شركه اسرائيليه تعمل قاعدة بيانات الضريبه العقاريه نقلت كل بيانات مصر لامريكا واسرائيل. والزمر وعبد الماجد مش اخوان اصلاً... مرسى يعنى امك ماكانتش لابسة حجاب انما انتى حاتلبسى النقاب انتى والبت بنتك ام اربع سنين دى.. ده اللى بيضحكوا بيه على السذج اللى بيصدقوا اى حاجه على طريقه عكاشه -احنا عندنا فى ديننا( لا اكراه فى الدين) ..يعنى اللى عايز يبقى كافر هو حر بس حسابه عند ربنا.. مرسى يعنى لا فيه سياحة ولا اقتصاد ولا أكل عيش ولا نيلة.. العكس هو الصحيح ..لان الشفافيه فى الحكم ترفع المؤشر الائتمانى لاى بلد بدليل تخفيض المؤشر الائتمانى لمصر بمجرد حكم المحكمه الدستوريه المعيوب فى وجهة نظر الغرب .. مرسى يعنى تتعلقى من حواجبك بسبب شغلتك وتبطليها خالص وتقعدى تكتبى مذكراتك اللى حاتتقطّع قبل ما توصل للمطبعة.. اكيد بتشتغلى رقاصه او فى كباريه لان هى دى الشغله الوحيده اللى حتتمنع ودى اللى جايبه سمعة مصر الارض فى كل الدول العربيه.. مرسى يعنى مفيش فن ولا إبداع ولا نيلة.. الاخوان يعنى مفيش عرى ولامسخره..لكن كتير من الاخوان فننانين ومبدعين وبيشجعوا الفن المحترم الهادف.. مرسى يعنى انشقاق فى الداخلية والحربية والأجهزة الأمنية وتصفية حسابات.. الاجهزه دى بتتبع الجالس على الكرسى ايا مايكون (مش احنا اللى اخترعنا انا عبد المأمور) مرسى يعنى الأزهر باظ والقضاء اتدبح تاني.. بمناسبة ايه يعنى ...وخدعندك اللى بوظ الازهر عبد الناصر والكل يعرف كده لما دخل الكليات العمليه الى جوار العلم الشرعى ..فالطلبه لالحقوا يحصلوا اى من العلمين .... ومعروف ان مذبحة القضاء برضه فى ايام العهد الشمولى لعبد الناصر اللى عايز يرجعه مؤيدوا شفيق مرسى يعنى ميليشيات بتتسلح فى الخفاء وبتستقوى تحسبا لأى انقلابات والا محاولات إقصاء والا غيره. مصر مش ايران ..والاخوان مذهبهم سنى عكس المذهب الشيعى الايرانى تماماً الذى يقوم الان باعدام اهل السنه ..لكن كل المصريين المسلمين سنه ... مرسى يعنى تتحولى لطائر ذى خلفية زعنفية الشكل.. انا دورت على النقطه دى لغاية ماجبت الفيديوا ده من اليو تيوب وده مثال تشبيهى للشرح للناس البسيطه لكن طبعاً تلقفته الاجهزت المضاده واللجان الاليكترونيه لتشويه الرجل. مرسى يعنى قناة الناس تبقى هى مصدر أخبارك وفنك وإعلامك وبرامجك وتوك شوهاتك وكله.. خلاصة القول انتخبوا مرسى والشعب كله حايتطاهر مش الإناث بس. بنفس منطقك انتخبوا شفيق والشعب كله حايتنفخ ..وحيكون شعار المرحله عيشك بطانيتك حلاوتك الطحينيه..والدليل كلام الشفيق نفسه وزارة الدفاع بروفه للى حيعترض عليا..مش هو اللى قال كده.. مرسى يعنى رفع المشانق فى الميادين العامه لمن يحاول ان يختلف كما فعل الخومينى فى ايران. النقطه دى رديت عليها وقلت لك الفرق بين السنه والشيعه..ولو انت مسلم اكيد تعرف فروق تانيه بينهم. مش بتقولوا عليه الاستبن؟؟.. دانتوا حاتتنفخوا هوا الاربع عجلات مع بعض..( بديع والشاطر ومرسى والتكفير) لاحظ انى ماغلطش فى المرشح اللى انت بتؤيده وقلت الوصف اللى موجود عليه فى كل المنتديات والناس تعرفه بيه.. اللى ينتخب الإخوان يبقى باع البلد للخلافة.. ماترجعوش تعيطوا بقى.. وهى دى مبراراتى لعدم انتخاب مرسى وليسقط حكم المرشد

لايوجد مصرى شريف يريد يبيع مصر لحد واللى انت بتتكلم عنهم مصرين شرفاء يريدون العزه والكرامه لمصر بدل من الذل والهوان الذى كانت فيه بفضل نظام المخلوع وتابعه شفيق الذى يريد احياء نظامه من جديد.....وعلى فكره انا مش من الاخوان وفى المرحله الاولى لم انتخب مرسى ولكن الظلم والجبروت والافترا والتدليس وتزوير ارادة الناس سيؤدى الى ثوره اخرى لن تبقى على احد ..اتركوا الناس تختار بحريه ولاتصادروا على حريتهم بحجة مصلحة الوطن مثل قصه الاخ الاكبر يراقبك..لجورج اورويل..فعهد الدوله الشموليه انتهى الى الابد..