طب اية رايك في حاجه جميلة اوي اوي اوي اوي
حسني ياخد مؤبد وولاده براءة ومساعدين العادلي براءة ..... ادي اول حاجه يا ولاد (حاجه بسيطة بقي ودم الشهداء مش قضية بقي مش كفاية انهم عند ربهم شهدا انتو هتنهبو يبقو في الجنة في الاخرة وعايزين كماااااااااااااااااااان تاخدو حقهم في الدنيا ؟ انتو مفتريين اوي ... مالكم كيف تحكمون !)
واية رأيك بقي ان المحكمة الدستورية حكمت هنفك المجلس والانتخابات والملايين اللي اتصرفت في الهوا لية يا عم اصل احنا كنا بندرب الشعب علي الوقوف في الطوابير عشان اللي مدخلش الجيش ينشف ويجمد وبكرة نعمل واحدة جديدة في سيتي ستارز عشان التكييف
اصل احنا اصلا عملنا الانختابات دي عشان نلهي الشعب نديله لهاية يعني يتلهي فيها زي الافلام ومسلسلات رمضان والاغاني والمخدرات والحاجات الحلوة دي ,,,,,,كنا بنديهم حبوب الهلوسة عشان يتخيلو انهم ممكن يعيشو في مدينة افلاطون الفاضلة
لا وإية بقي بص هنشيل الاخوان من المجلس وخد بالك مش هنطبق قانون العزل وشفيق موجود واخبطو راسكو في الحيط
اصل البرلمان طلع قانون عزل يشيل شفيق فالمحكمة الدستورية حلت تلت المجلس ...... (مرة برلمان عمل قانون عزل قام اتعزل هو )
شفيق هيتشال بعد اربع سنين ؟ ...... اذا كان خرق القوانين من اولها لصالحه
اديني عقلك ؟
الا لو كانت الفترة الرئاسية الواحدة هتبقي 30 سنة
عرفتو بقي لية الاخوان نزلو رئيس ؟ المجلس مهدد بالحل !!!
زعلان ان الاخوان قال مش هنزل رئيس ونزلو طب ما شفيق وعمر سليمان قالو حصل اية
وبعدين فعلا هو كان مش هينزلو رئيس لكن لما شافو الوضع حازم كانو عارفين انه هيتشال
اية المشكلة بقي لما يرشحو رئيس؟
اذا كان في ايات القران الناسخ والمنسوخ زي حكم الخمر كدة ما كانت مباحة في لاول الي ان حرمت ودة فين ؟ في كتاب الله عز وجل
سؤال بس صغير
طيب مش المحكمة دي اللي حكمت قبل كدة لحازم ان امة مش امريكية والورق مزور واللجنة العليا للانتخابات رفضت الحكم (بله واشرب ميته )
ولا منطق الكيل بمكيالين ما زال موجود برضة
عموما الظلم ظلمات يوم القيامة
وقبل ما تروح تشهد
لو سمحت
افتكر كويس هتحط ايدك في ايد مين
وافتكر ان الطاعة امرها صعب وانك دايما كانو يقولولك وانت صغير معلش استحمل وتعالي علي نفسك وذاكر عشان تنجح وتبقي حاجه كبيرة
هي كل حاجه كويسة لازم فيها ترويض للنفس
متفتكرش الاخوان هييجو يكفروك ويقولوك يا مرتد ارجع الي الدين لا انت عارف كويس جدا ان دة مش هيحصل وان دي مجرد مبررات بتقولها لنفسك عشان متنتخبهمش
ورغم كل السواد دة لكن سبحان الله
ويأبي الله الا ان يتم نوره
بإذن الله هترتفع كلمة الحق وهيكون في امل لان لو مات الامل من البشر انقلبوا من احياء الي اموات في اسمال احياء بالية
عندي امل ويقين بإن الله سيهيأ لهذه الأمة أمر رشد قريبا
ما هو لما بيشتد الظلم يظهر الحق في النهاية ليظهر اقوي ما يكون
هو مش يوسف اللي خرج من الجب ليولي خزائن مصر
هو مش مريم اللي تكلمو في عرضها ليكون ابنها بعد ذلك النبي عيسي عليه السلام
هو مش عائشة اللي تكلمو عنها لتنزل ايات من السماء تبرئها وقران يتلي الي يومنا هذا
ربنا هيظهر الحق بإذنه امين
أوليس الصبح بقريب
اللهم ارحم اخواننا في سوريا يا رب امين
ورد كيد بشار واعوانه في نحورهم واخرج اهل سوريا من بينهم سالمين