رد: شارك برأيك.. هل توجد حقا سيارة "حريمي" وأخرى "رجالي"؟
اعتقد ان الشركات المصنعه بيهمها اكتر حاجه حجم المبيعات . وبالتالي بتحاول تنتج عربيات في جميع الفئات تناسب وتخاطب ود الجنسين ... حتى لو مكنتش ست اللي حتسوقها ... لكن تكون فيها لمسه تخاطب ودها في قرار الشراء .. ابسط مثل المرايه في الشماسه مثلا .. او المسند الخلفي (في ضهر الكراسي ) للاطفال ..
او كراسي الاطفال لفولفو ..
لكن ده ميمنعش ان في موديلات بتكون موجهه لجنس او عمر محدد ..
كنت قريت زمان ان نيسان انتجت عربيه لكبار السن ... دواسه البنزين خفيفه جدا علشان متتعبش الرجل .. و الفرامل حساسه جدا و ومتحتاجش مجهود كبير في الضغط عليها .... و طبعا التصميمي راعى سهوله الرؤيه و المناوره و كده ...
وبرضو كنت قريت عن الفيليشيا ان اسمها مختارينه لأنهم يتوقعو ان تكون اغلب طلبات الشراء من الجنس الناعم ( في اوروبا مش هنا )... و بالتالي اختارو ليها اسم حريمي ( الخبر ده غاظني جدا علشان كان معايا فيليشيا )
ستات كتير بتفضل العربيات الصغيره علشان العملانيه و الشكل .... لكن بشوف برضو ستات بيسوقو شيروكي و فيتارا و بي ام الفئه الخامسه و سوناتا ...
واغلب السيدات في امريكا بيفضلو ال SUV .. لأنها بتحسسهم بالامان اكتر ... وبالتالي مبيحبوش العربيات الصغيره ..
فمفهموم العربيه الحريمي كده عندهم مختلف عن عندنا ...
والله اعلم
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 20-08-2009 الساعة 05:00 AM
|