[AbOnOrA]

انا شخصياً مقتنع تماماً ان فيه عربيات اقرب لطبيعة وتفضيلات اغلب السيدات عن الرجال والعكس صحيح

فعلى سبيل المثال عربيات كالشاهين والادا والبلونيز صعب اتقبل فكرة ان ست تسوقهم ولما بشوف واحدة سايقاهم بحس ان ده شىء غير طبيعى لان العربيات ديه اقرب لتفكير الرجل وطريقة استخدامة اللى بيبقى عايز عربية قوية تستحمل ومش مهم الرفاهية او الكماليات او الشكل الجمالى

وفى المقابل سيارات مثل الماروتى التو بولو اوبل كورسا دايو جوليت والكثير
ارى انهم اقرب لطبيعة استخدام ومنطق المرأة التى تهتم بالشكل الخارجى والحجم الصغير فى مقابل قوة الاداء والاتساع والعوامل الاقتصادية

ده طبعاً غير عربيات الموضة زى ما جت فترة الميجان موضة وبعديها الاوكتافيا وحالياً الجيتا والمرسيدس A150 واليجو والسى فور والستروين

ديه بتبقى موضة لسيدات الطبقة الاعلى من المتوسطة او الراقية فقط للخروج من ملل البى ام والمرسيدس

ومش بس كده الشركات كمان بتستغل اتجاهات المستهلكين حسب تصنيفاتهم سيدات - رجال - شباب الخ فى التسويق لسياراتهم

علشان كده انا مقتنع بان فيه فعلاً سيارات حريمى وسيارات رجالى وصبيانى كمان

شكراً يا دكتور على الطرح