شغل إيجار السيارات ده كله نصب
أنا مش فاهم يعني أيه شركات أجنبيه راس مالها ملايين تروح تأجر عربيات ماتشتريهاش ... وبعدين تروح لمكتب إيجار هو كمان ماعندوش عربيات يروح عامل إعلان في الجرايد ولا النت ( بشوف إعلانات بالهبل كل أسبوع) عشان ياخد عربيات ناس برضه مش متملكاها شارياها بالقسط ويروح يديها للشركات ويسمسر منك شهر ويقعد يحط رجل على رجل ... وأنت تلبس في الحيط ... العربيه تتبهدل وتتخبط 3000 مره وف الأخر تخسر فيها قد كده ... لو حسبناها حسبه بسيطه :
الفيرنا بتتأجر ب 2400 جنيه المكتب بياخد شهر يعني 200 فاضل 2200 بتدفع لها قسط 900 تقريبا فاضل 1100 وعليك كاوتش وبطاريه وتأمين وتراخيص أخر السنه يعني هنشيل كمان 400 فاضل 700 جنيه في الشهر يطلعوا ف السنه ب 8400 يغني في 3 سنين ب 25200 ده صافي اللي جابته العربيه ... لو هيا بقى ب 70000 هتبيعها ساعتها ب 45000 ده بالكتير لو مكتب محترم ( وده قليل جدااااااا)
وحافظلك ع العربيه يعني كل اللي كسبته منها 200 جنيه ف ال 4 سنين والمكسب كله راح للمكتب اللي أجرها منك وللبنك اللي قسطهالك .... ههههههههههه نكته مش كده .... بلاش نصب وكلام فاضي وبطلوا تضحكوا ع الناس ... عربيتك لو عايز تأجرها يبقى أنت اللي تسوقها وتشترط أنها ماتمشيش أكتر من 100 كيلو ف اليوم وأكتر من كده الكيلو ب نص جنيه .. مش يقولك الساعه ب 10 جنيه الساعه دي ممكن تمشي فيها 70 أو 100 كيلو ومش ب 2400 ب 2800 ع الأقل أنا كنت مشغل عربيتي كده ... مع شركه محترمه عملت إعلان ف الجرنان بنفسها ورحتلهم مباشرة وإشتغلت معاهم 4 شهور قبل ما أسافر السعوديه من شهرين ... إنما جو المكاتب وشركات البترول اللي بتنفخلك العربيه ... سيبك .
|