السلام عليكم ..
مرحبا يا شباب مصر .. كيف الحال .. الله يتمملكن الثورة بالخير وتشوفو احلى ايام
انا عندي مشكلة وبصراحة بالظاهر كل اللي بيعرفو يصلحو هي السيرة عنا ببلدنا "توووت" المهم
انا عندي سيارة شيري chery QQ 308 هي السيارة بتجي Tiptronic
يلي صار انو السيارة فجأة بطلت تقلب حركة .. يعني لا بتهش ولا بتنش لا اول ولا تاني ولا دي ولا R ..
رحنا لاول مصلح قال الكمبيوتر تبعها عطلان .. وطبعا مافي كمبيوترات بالبلد عنا
رحنا لتاني مصلح قال انو لازم نغير شي اسمو " دماغ" والكمبيوتر سليم
رحنا لتالت مصلح ع اساس هاد افهم واحد قال انو الدماغ والكمبيوتر سليم
فك قطع بالسيارة وتبين معو انو الموتور المسؤول عن قلب السرعة محروق .. بالاضافة الى حساس محروق + القاعدة تبع الحساس مكسورة أيضا ..
وللاسف القطع ال 3 غير موجودة بسوريا
يعني شركة بتجيب سيارات ومافي قطع صيانة كسر الله ايديهم ..
المهم أنا حبيت أعرف في حال سبب عدم قلب الحركة هو هاد الموتور او لأ ..
ثانيا هل من الممكن الاقي من القطع المطلوبة بمصر .. علما انو صديق الي بمصر ممكن يشحنلي ياهن لسوريا ..
طبعا صور القطع المطلوبة مرفوعة على الميديا فاير..
http://www.mediafire.com/?bd3kl5p5p1b08ub
ومشكورين شباب سلفا ..