السلام عليكم
ما حدش بيفرض رايه عليك ..... بعض الاعضاء بيرد بحدة شوية ..... اعذرهم .... بالنسبة ليهم حضرتك بتتكلم كلام منافى تماما للواقع و للعقل و لكل الثوابت المعروفه .... شفيق معروف انه راجل اتهم و لا يزال متهم فى قضايا فساد و سرقة و تسهيل الاستيلاء على المال العام .. و حضرتك بتقول انك حتنتخبه علشان الاخوان اوحش منه .....
قبل ما انسى ..... الى حضرتك قلته عن تاييد الحزب الوطنى لشفيق ده دليل ادانة ليه ... مش تبرئة ... بمعنى ... من الثوابت ان اعضاء الحزب الوطنى مش كويسين .... ربنا يعفو عنا و عنهم .... فلما الناس دى تايدنى فى حملتى ... و انا و انت و الناس كلها عارفة الناس دى دوافعها ايه ... يبقى احمد شفيق يطلع و يتبرا من الناس دى و يرفض تاييدهم كمان و يقول انه ملهوش دعوة بيهم .... انما ده محصلش ... يعنى شفيق موافق على تاييد الحزب الوطنى و موافق عليه ... و ده يعنى حاجات كتيرة اوى
انا متاكد ان الحزب الوطنى احد اسباب الفساد فى مصر .... و الى مؤيد ليهم يبقى هو كمان احد اسباب الفساد
وبعدين شفيق مقالش ان مبارك مثله الاعلى على عموم الكلمة...لأ
قالك لما كان زمان بيقدر يفصل بيت بيته وشغلة...
ايه اللي ضيع مبارك انه في اخر 10 سنين سلم دقنة لمراته وابنه...بس
بصراحة ....انا مش مقتنع بالكلام ده اطلاقا ..... لانه من المعروف ان شفيق كان من المقربين من مبارك جدا ... و بعدين الى ضيع مبارك حاجات كتيرة جدا .... كان اخرها الى حضرتك بتقوله ده .. حسنى مبارك معملش حاجة كويسة لمصر لوجه الله من يوم ما اتعين رئيس جمهورية و من اللمكن تنتاقش فى القضية دى فى موضوع منفصل
النقطة المهمة جدا جدا !!!!!!
كل واحد و ليه حاجات كدة شايفها اهم من حاجات تانية فى اخذ القرارات .... حاجات اساسية ... و حاجات فرعية .... الفرق بين كل واحد و التانى تحديده ايه هى الحاجات الاساسية و ايه هى الحاجات الفرعية ...
اتكلم و اقارن بالواقع
انا اديت صوتى لابو الفتوح ... ليه ؟؟؟؟ علشان الاخوان مياخدوش كل حاجة
طيب .... الاخوان وحشين ؟؟؟؟ ايوة فى شوية حاجات كدة
زى ايه ؟؟؟ ادائهم فى مجلس الشعب لم يكن على المستوى الثورى المطلوب
يعنى ايه ؟ يعنى كنت منتظر منهم قرارات اكثر جراة و اكثر تاثيرا
طاب احتمال مش قادرين يعملوا ده فى ظل وجود المجلس العسكرى ؟؟ احتمال برضو
على اى الاحوال ... ادائهم مش عاجبنى فى مجلس الشعب
السيد شفيق ....
من ايام ما كنت بشتغل فى مصر للطيران ..... كان كل الناس بيشكوا منه .... مهندسين مصر للطيران ... مفتشين الطيران المدنى ... موظفين الوزارة ... الكا بالاجماع بيشكى منه
طيب .... ايه اخبار ادائه فى اخر ايام مبارك ؟؟
انا كنت متفائل بيه خير فى الاول .... و بعدين سمعت من زمايلى فى المطار .... كل يوم يروح شرم الشيخ !!!!!!! نعم ؟؟!!!! ايوة كل يوم كان بيروح شرم الشيخ
طيب .... مبارك كان واحشه و بيزوره ...
طيب ... تحقيقات موقعة الجمل .... اخبارها ايه ؟؟؟؟ ولا حاجة
طيب .... تهريب فلوس مبارك ... حصلت امتى ... فى ايام شفيق
طيب .... الادلة الى ضاعت .... حصلت امتى .... فى ايام شفيق
يعنى الراجل ده ... فلة .... يتضربلو تعظيم سلام !!!!!
طيب .... اخبار ترشيحه لرئاسة الجمهورية ايه ؟؟؟؟
جه على الاخر و الراجل ملحقش يحط برنامج ..... امال الناس انتخبتو ليه ؟؟؟ لاسباب كتيرة
ماشى
طيب .... الراجل بتاع الاخوان اخباره ايه .... دلدول فى ايد المرشد ... ماشى .. ايه كمان ؟؟ حيكوش على كل حاجة ...احتمال ازاى ؟؟؟ لغاية دلوقتى انا مش عارف
الاخوان ناويين يبيعوا البلد لقطر ؟؟!!!! ازاى ؟؟!!! حياجرولهم قناة السويس !!!! دليسيس رجع تانى يا رجالة !!!
فيه حاجة صغيرة فى التاريخ ..... لم يثبت على اى واحد من اعضاء الاخوان المسلمين اى قضية او اثبات اتهام يخل بالشرف ..... سرقة .. او نصب او حاجة زى كدة
انا مش مصدق ان ناس مش بتسرق ممكن تعمل كدة فى مصر
معلش انا طولت عليك ... انا بفضفض معاك
و شكرا