[AbOnOrA]

انا شايف ان لسه بدرى اوى على ما نقدر نقيم الثورة واثارها الايجابية او السلبية لسبب بسيط انها لسه مستمرة ولم ولن تنتهى بإذن الله

تاثير الثورة على اى حال ممتد وبرضو تأثير الانظمة السابقة ليه اثار والى زوال ان شاء الله

الثورة عمرها سنين واجيال والمعارك بين الحق والباطل مازالت سجال

كمان انا مش مع المقارنة بين كل نموذج (ثورى) والتانى بالعموميات كده لان كل حالة ليها ظروفها وتوقيتها كمان

بس فرصة اقولكم على بعض المزايا فى النموذج التونسى

1- ثورة تونس كانت مباغتة لابعد مدى سواء للنظام هناك او للنظام العالمى ككل
ثورة مصر اخدت بعض من المباغتة فى بدايتها لكن بتنحى الرئيس وتسليم الثورة (تسليم اهالى*) للمجلس العسكرى حصل تحول كامل لمسارها وفقدنا تماماً زمام المبادرة او القرار

2- بساطة التركيب السكانى فى تونس من حيث العدد ومقدار الاستقطاب مقارنة بمصر ذات الكثافة السكانية الضخمة والتباين الشاسع بين مستويات التعليم والدخول والثقافات

3- التيار الاسلامى فى تونس ضعيف طول عمرة لم يرقى ابداً لكم ولا الكيف اللى فى مصر اللى تعتبر مهد للكثييييير من التيارات الاسلامية الكبرى ورموزها

4- الجيش فى تونس كان موقفة وطنى بجد وحمى الثورة بجد
يعنى حمى الثوار من الكثير من اعتدائات الشرطة ومرتزقة النظام
وكثيراً ما كان بيحمى بالساعد والسلاح وكثيراً ما كان بيهاجم حتى اقسام الشرطة

5- الثوار هم من يحكمون تونس
الفلول هم من يحكمون مصر