ليه الثوره منجحتش.؟.
لما نقارن بين ثوره تونس وثوره مصر
ونقول ثوره تونس نجحت ليه وثوره مصر فشلت ليه
فى وجهه نظرى ان السبب الرئيسى الثوار فى مصر والثوار فى تونس
وزير الدفاع فى تونس اللى عينه بن على وكان موجود طول فتره حكمه
مجاش الثوار فى تونس قالوا لا لازم نحكامه
مجاش ظباط من الجيش التونسى واعتصموا فى ميدان التحرير بتاع تونس واتحاموا بالثوار علشان يشيل وزيرهم
الاخوان فى تونس لما نجحوا فى الانتخابات عينوا رئيس جمهوريه يسارى مقالوش عايزين واحد مننا علشان خايفين على الثوره
مجاش الثوار التونسيين واعتصموا قدام مجلس الوزراء التونسى وقالوا مش هنخلى رئيس الوزراء يخش المجلس
المجتمع التونسى مقعدش يشيطن فى بعضه وانت لو مهجتش مع الهوجه تبقى فلول او ليك مصلحه من النظام القديم
علشان كده الشعب التونسى مكرهش ثورته وبدأ يبنى فى بلده واحنا لسه بنفكر هنختار شفيق ولا مرسى
اللى وصل شفيق للاعاده مش المجلس العسكرى
اللى وصل شفيق الاعاده هو انتم
وكلامى ده مش معناه ان المجلس العسكرى ملاك
المجلس العسكرى طبيعى جدا يبقى ولاءه لمبارك وللنظام القديم
بس انتم كنتم تقدروا تاخدوا اللى انتم عايزينه منه وتوصلوا للبلد للامان من غير دم
لو كان فيه شويه عقل
انما الافوره و ادعاء البطوله وفتنه الفيسبوك وتويتر وصلونا لكده
كلمه الحق اللى يراد بها باطل وصلتنا لكده
السفهاء لما اتكلموا وصلونا لكده
الرويبضه اللى كنت بسمعها فى الخطب طلع مبتتقلش على الممثلين ولاعيبه الكوره والناس التافهه بس
طلع فيه ناس من اللى بيطلعوا على المنابر رويبضه برده
قلبى حزين عليكى يا مصر
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء*
شرقت حشاشات النحيب وأينعت*
وشوى الأنين قلوبنا فتفطرت*خلف الجفون دموعنا الخرساء*
أكبادنا فبكاؤنا إيماء*
|