[khaabas]

المشاركة الأصلية كتبت بواسطة AbOnOrA يا دكتورة انا نفسى مبسلمش منها ومن كل اللى وصفتيه فى مشاركتك بس مش معنى كده اسيبلها البيت واطفش احنا عيلة كبيرة ومقررين من البداية ان ميكونش فيه اقصاء لتيار معين فتلاقى اهوه فى موضوع واحد زى ده انسانة محترمة زى حضرتك ومؤمنة بالثورة وانسانة محترمة زى سلفية ومن ولاد ابو اسماعيل وانسان محترم زى khaabas من ولاد ابو شفيق كمان مؤمن من جوايا ان رغم الاختلافات بينا اغلبنا عايز الخير للكل ... كل ما هنالك اننا كمجتمع لسه محتاجين وقت اكتر وممارسة اكتر علشان نتعلم بجد ازاى يكون بينا حوار بناء وموضوعى وكلامى مش معناه ان الواحد ميضايقش وميتخنقش ... ده مستحيل برضو علشان كده فيه قوانين وفيه ناس بتضحى بوقتها وفكرها فى البت فى الشكاوى واقرار القوانين فسواء بخصوص العضوة (سلفية) او اى مشكلة مع اى عضو / او عضوة مستقبلاً المفروض تعملى شكوى وتأكدى انها هينظر فيها بكل جدية لكن من غير الشكوى محدش من الادارة هيدى لنفسه الحق انه يتدخل فى حوار او حتى مشادة بين اتنين طالماً لم تحتوى على الفاظ خادشة مثلا ً او مخالفة صارخة غير كده بنسيب الحوار لمجراه فكثيراً ما الناس بتتصالح او تتوافق من نفسها وبدون تعديات وعلى العكس لو تدخلت الادارة من تلقاء نفسها فى اختلاف فى الرأى او مشادة بين عضوين ستتهم يقيناً بالانحياز والترصد وغيرة من الاتهامات وهنبقى برضو فوتنا فرصة على الناس انها تتفاعل مع بعض بشكل طبيعى وانتقصنا قدراً من حريتهم كمان لو مش عايزة تعملى شكوى على العام (فى قسم الشكاوى) فيه اليات تانية زى البلاغات وديه محدش بيشوفها غير الادارة اللى بدورها بتحولها على لجنة الشكاوى للبت فيها كمان فيه التقييم السلبى للمشاركات اللى بيوصل رسالة رفض لمحتوى المشاركة ويؤثر على التقييم الاجمالى للعضوية اتمنى اكون وضحت جانب من حقيقة موقف الادارة واتمنى ان حضرتك تفكرى تانى فى قرارك بموجب حق الاسرة عليكى ومدى تقديرك لتمسك الاعضاء ببقائك تحياتى للجميع ، وبعتذر عن الاطالة

مع انى معترض على الكوبيله التانى بتاع ولاد ابو شفيق ههههه بس موش موضوعه