[sayed2077]

المشاركة الأصلية كتبت بواسطة momen_bondok السلام عليكم ورحمه الله وبركاتة جزاك الله خيرا أخى سيد على مجهودك الرائع فى مساعدتنا ولو تسمح كان عندى سؤال أنا عايز أتاكد من عمل لمبة الحرارة والبنزين فى ال 128 فكيف يكون ذلك؟ مع العلم إن الحرارة فى الجو الحار الشديد ممكن يصل المؤشر قبل النهاية بشيء بسيط جدا ولم تضئ اللمبة فكيف أختبر هتاتان اللمبتان وبارك الله فيك

وعليكم السلام ورحمة الله وبركاته
جزاك الله خيرا على كلامك الحلو

اولا :بالنسبه لمؤشر البنزين فحضرتك هتروح تفول العربيه على الاخر وتشوف المؤشر بقى على المليان ولا لا و بعدين مع الاستهلاك مثالا بعد 150 كيلو مشى بالسيارة هل المؤشر بقى فى النص ام لا وهلى المؤشر كلما استهلكت بنزين المؤشر بينزل معاك سنه سنه ولا بيلغبط

ثانيا بالنسبه لمؤشر الحرارة
دلوقت احنا فيه مشكلة من الاثنين
الاولى هل صباع الحرارة اللى بيوريك الحرارة على المؤشر يعنى بيخلى المؤشر فى النصف او فى الاخر حسب الحرارة

هل بقى صباع الحرارة ده بيعمل بطريقه سليمه ام لا (لان كل اللى فى السوق دلوقت بلا استثناء مضروب وبايظ اساسا ومبيعطيش قرأت سليمه ) وهقولك تختبره ازاى

ثانيا بالنسبه للمبة اللى بتنور فانا اعتقد اللمبة ديه عندك هى بتنور لما المروحه تشتغل واللى بيشغل المروحه هو ثرموثتات الحرارة اللى بيركب فى الردايتير (وبرضوا كل اللى فى السوق بلا استثناء بايظ ومضروب و بيشتغل فى درجات حرارة غلط ممكن تبوظ الماتور )

فدلوقت اللى حضرتك هتعمله كالاتى
حضرتك هتشترى ثرموثتات مروحه (اسبانى) ده الاصلى وافضل نوع واكثر من رائع عن تجربة و الثرموثتات الاسبانى ده ب 35 جنية لسه شاريه من يومين بعد تعب وتدوير عليه (صعب تلاقيه جدااا) مع العلم الثرموثتات الايطالى وهو اصلا صينى مضروب بيكون بحوالى 20 او 25 جنية وفعلا بايظ واوعى تشتريه

فزى ما بقول لحضرتك تشترى ثرموثتات حرارة اسبانى اللى بيركب فى الردايتير وبيشغل المروحه لما تكون درجة حرارة المياه 88 وبيفصل المروحه لما درجة حرارة المياه بتكون 79

ومفيش اسبانى اصلى 80/90 وياريت تدور عليه وانا لو عرفت ارفع لحضرتك صورة العلبة هرفعهالك ان شاء الله المهم حضرتك تدور عليه وتركبه بدل القديم اللى عندك بعد ما ركبت الثرموثتات الجديد الاسبانى اللى بقول لحضرتك عليه (ارجوك اوعى تركب الايطالى حتى لو مفيش قدامك غيره فعلا مضروب وبترمى فلوسك على الارض ) تشوف بقى مؤشر الحراة اللمبة بتنور امتى المفروض اللمبة تنور لما المؤشر يكون ف النصف وتطفى لما المؤشر يكون قبل النصف بقليل لو المؤشر اللى بيوريك الحرارة بيعمل غير كدا يبقى بايظ وده بقى كل اللى موجود مضروب فعلا ولغاية الان مش لاقى له حل ولكن لو انا لقيت ثرموثتات كويس هقول لحضرتك عليه ان شاء الله ولو حضرتك مش لاقى الثرموثات الايطالى ممكن تيجى تشتريه من عندنا فى المعادى فعلا يستحق المشوار او ممكن انا اشتريه لحضرتك واتقابل معاك مثالا فى اى محطة مترو مثالا محطى مترو المعادى واسلمه لحضرتك وان شاء الله كله هيكون تمام باذن الله
اخوك فى الله سيد