ياريتة كان ارجوز
انا والدى كان أراجوز..
وكان راخر جميل الصوت .. والزعبوط..
وفى يوم من الأيام .. خللى بالك معايا ..
هنا العقده .
ندهه الملك .. وده كان ملك أعظم من العمده ..
وعينه .. مضحك ولى العهده ..
وقاله يا ألعب من القرموط ..
تضحك الولد .. أعلى مراتبك ..
تبكى الولد .. أقطع رقبتك ..
أفهم كلامى .. وأمشي بالمظبوط ..
أنا والدى الله يمسيه بالخير ..
ماكنش ناقصه .
طلع سلاح أبيضانى .. وقطع رقبته بنفسه ..
راح الولد فى البكا .
وأنا والدى مات مبسوط .
أنا والدى مات مبسوط عشان عكس امر الملك ..
أيام ما كان الملك .. ملك ..
ومصروف الأمل مضغوط .
من يومها وأنا عندى جيوب انفيه ..
وعيونى كما الحنفيه .
والدمع منى و فيه .
بحر ماله شطوط.
فؤاد حداد - ارجوز
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|