[عبد الله بن عبدالله]

السلام عليكم ورحمة الله
اخواني و احبابي لقد وفقني الله و بعد فترة كبيرة من البحث و التجارب و الفتاوي من الصنايعية لاقيت علي اليوتيوب حل و جربته و اشتغل زي الفل

المشكلة كانت ان كنت بغسل العربية و قفلت الكابوت عادي يعني و كنت مدورها و احد يقولي ايه علاقة دا كله ببعض اقوله اصلي مش عارف السبب الحقيقي - المهم لقيت لمبة الايراباج اشتغلت و تنور و تطفي علي طول و مهما عملت مفيش فايدة . عشان مطولش عليكم الحل بفضل الله هو :
نفتح الكونتاكت من غير ما ندور العربية و نستني لما نور البطارية و الزيت و الايرباج و كله ينور تمام . و نستني اول ما اللمبة بتاعة الإيرباج تطفي علي طول نقفل المفتاح و بعدين نفتح تاني علي الكهرباء و أول ما تطفي نقفل تاني و نكرر العملية دي من خمس الي ثمانية مرات و بإذن الله هتبطل تنور تاني و يكون الإرور اللي في الكمبيوتر بتاع العربية اتحل انشاء الله
انا جربته و اشتغل زي الفل يا رب لو حد عنده المشكلة دي يستفيد بدل ما يروح لجهاز الفحص بالكمبيوتر و يغرم
و تحياتي للجميع