السلام عليكم ورحمه الله وبركاته
الحمد لله ربنا كرمنا وجبنا فيرنا 2012 زيرو من شهرين وانا لسه بتعلم السواقة عليها بس الحمد لله السواقة ظبطت معايا ..وليا بعض الاستفسارات ولانى لسه جديد خالص فى العربيات وقربت على صيانة الالف كيلو ..
اول حاجة حاسس ان صوت الموتور عالى شوية ودة لانى كنت فى الاول بأخر فى نقل الغيار بس دلوقتى بنقل على طول ومش بخلى مؤشر rpm يوصل على 3 يعنى أخرة 2 دى لما بنقل فى الغيار التانى او التالت
تانى حاجة بقى عداد قراية الكليو مترات عندى نور خافت قوى وضعيف تقريبا نور الشاشة باظ المهم واحد صاحبى قالى لما تروح صيانة الالف كيلو قولهم يظبطوا نور العداد قالى بس للاسف هايفكوا الطابلوة وأنا خايف يفكوا الطابلوة ينسوا يركبوا حاجة
حتى النهاردة سألت واحد زميلى فى الشغل معاه برضوا فيرنا قالى سيبوا كدة أحسن
المشكلة انه شكلوا بليل مش منور والضوء فيه ضعيف .
تالت حاجة صاحبى حب يجرب الثبات جاب 120 لاقيت العربية بتحدف سنه بسيطة يمين تفريبا عايزة ضبط زوايا.
أخر حاجة بقى فى صيانة الالف كيلو هل اتصل بيهم ولا اروح كدة لانى زميلى فى الشغل قالى روح من غير ما تتصل بس يفضل تروح يوم سبت وايه اللى بيحصل فى الصيانة واسف على الاطالة بس لانى اول مرة اروح التوكيل
ولو حد عنده نصايح تانية ياريت يفيدنى ...شكرا