[ابو هيما]

المشاركة الأصلية كتبت بواسطة ahmedsl جزاك الله خير انا فعلا معايا هاف سبورت 1600 خليجى اوتوماتيك وعارف معنى كلامك ده وهى عربية رائعة ولكن انا عاوز اغير واجيب المازدا ومحتاج اتأكد من كام نقطة قبل ما ابيع اللانسر واشترى المازدا شكراً لاهتمامك ولردك

شوف على فكرة أنا بعيش حالياً نفس المعانة اللى أنت بتعيشها اليومين دوول وخصوصاً أنى بعت أخر عربية كانت معايا من شهرين ودلوقتى بالنسبة الأنتقالأت أصبحت صعبة جداً وخصوصاً أنى لما باجى القاهرة من مدينة نويبع فبركب الأتوبيس وده لوحده عذاب طبعاً بخلأف العربية بغددة وتكيف وروشنة كل شوية وقفة جنب الطريق وبمزاج ... خلأصة الكلأم , أنا الأن فى حالة مفاضلة شديدة بين ثلأث عربيات وخد بالك من كلأمى أنا ساكن بعيد عن القاهرة وبسافر على طرق سريعة كتير يعنى عاوز حاجة ذات أعتمادية كبيرة وتستحمل الحر الشديد اللى موجود فى نويبع . الأختيار يا سيدى كان بين
1) الرينو داستر مانيوال
2) الهيونداى ألنترأ أتوماتك
3) المازدا 3 مانيوال
شوف بقى , انا أستبعدت المازدا وذلك لعدة أسباب وهى
*واطية جداً على الأرض يعنى لو أى حجر مرمى على الطريق فهيبهدلنى , وبيتهيالى كل اللى عايشين فى القاهرة بيعانوا من الموضوع ده وخصوصاً مع أرتفاع المطبات العشوائية اللى بيعملها الأهالى .
* مش مفهوم هى مع أنهوا توكيل , مرة يقولوا مع سمارت كار , ومرة يقولوا مع غابور وبعدين تانى مع سمارت كار , حاجة تبرجل
*نتيجة ما سبق وخصوصاً عدم أنتشارها الكتير مثلأً مقارنتاً بالهيونداى بسب أنها واطية على الأرض وثانياً بسب أنها مالهاش توكيل يوفر قطع الغيار فبالتالى قطع الغيار عالية وأسعار مش حلوة , وأسال اللى معاهم العربية دى ثمن الفانوس الخلفى أو الأمامى بكام وتيل الفرامل بكام .عشان كده انا استبعدتها وذلك بالرغم من أنها عربية مالهاش حل وأنا ركبتها مع صحابى بس الصراحة ما سوقتهاش وكنت حاسس وأنا قاعد فى مكانى بمدى نعومة السيارة .

نيجى بقى للهيونداى ودى بقى سيارة الشعب يعنى قطع غيار بالعبيط , مراكزخدمة منتشرة فى كل انحاء الجمهورية وأى ميكانيكى بيفهم فيها وكمان يوم ما تيجى تقول عاوز أبيع فهتلأقى مائة ألف واحد بيقولك هات وأنا أشترى . الخلأصة هو ده المطلوب فى مصر من معظم الناس ومش بقول كل الناس عشان محدش يزعل من كلأمى , وعلى فكرة انا عن نفسى برغم أقتناعى بكل اللى فات ولكن مش عاجبنى شكل الألنترأ الجديد بفوانيسها اللى ماتنفعش عندنا فى مصر والزحمة اللى أحنا بنعيشها كل يوم واللى أكيد بتخللى هذا النوع من الفوانيس عرضة للخبطات الكتير
, وكمان مش مقتنع بالشكل القديم اللى عامل زى الشخص اللى كان بيمارس رياضة وبعدين بطل فجسمه رييح . تحس كده أن شكلها مش عاطفى ., معلش هى مسألة أذواق .

الحاجة بقى اللى فى الجون وأنصحك بيها إذا كنت من عشاق سواقة المانيوال مثلى واللى أنا عن نفسى بفكر بشدة أنى أجبها وأقنيها , وهية نجمة ال SUV رينو داستر واللى هى معروفة فى أوربا باسم داتشيا داستر . العربية دي خرافة وتحفة بكل المقايس , ويكفى أن المصنع اللى فى رومانيا واللى هو بيصدر لمصر , هو نفسه اللى بيصدر لأنجلترا وألمانيا يعنى العربية بجودة أوربية , ده بقى غير أن العربية مصفحة بالكالمل من أسفل وكمان عالية وعمولة بنظام عافشة الأكس تريل , يعنى ولأ تقولى مطبات ولأ شوارع مكسرة . خش ودوس لأن العربية دى مصنوعة عشان كده .
أنا عن نفسى أرشح لك العربية دى وأنصحك أن تدخل على جوجل وتقرأ عنها كتير وكما ممكن تتفرج عليها وتشوفها على موقع www.youtube.com بس أبقى أكتب فى مستطيل البحث Dacia Duster .
وعامتاً أدعو لك الله مرة أخرى بالهداية وحسن الأختيار , ومتنساش تبقى تطمنا عملت أيه , ربنا معاك ويوفقك .
تقبل تحياتى وسامحنى على الأطالة :TH E_PR~18: