[man2731212]

لو كنت فاكر ان المفتاح بيفتح يمين ؟ و لما حاولت تفتح يمين الباب مافتحش ، تعمل إيه ؟ أكيد هتتنازل عن اقتناعك و رأيك و تلف المفتاح شمال عندها سيفتح الباب .

من الآن بص على حياتك .. لو الباب مفتحش ، يبقى انت بقالك سنين بتحاول تلف المفتاح يمين و مقتنع انه يمين .. غير اقتناعك و غير كل حاجة في تفكيرك و تعاملك مع الأمور و لف المفتاح شمال .. صدقني الباب هيفتح

و لو مفتحش يبقى أساسا المفتاح غلط .. عندها برضو غير المفتاح و ضع المفتاح الآخر سيفتح الباب المهم ان في حاجة انت بتعملها غلط و انك السبب مش الباب السبب ..
الدنيا هي الباب أعد تفكيرك من الآن و دور على المفتاح لأن كل بشري معاه كل مفتاح لفتح أي باب و هذا عدل الله ، بس هو مقتنع بأن المفتاح اللي في إيده من سنين هو اللي هيفتح الباب ... مع ان المفتاح اللي هيفتح الباب مدفون أو محطوط في مكان و انت مطنشه و متجاهله .

" ان الله لا يغير ما بقوم حتى يغيروا ما بأنفسهم " .. انت السبب .. غير طريق لف مفتاح حياتك ، أو حتى غير المفتاح .. تتغير حياتك .. أنت السبب .. وفي جعبتك كل المفاتيح .. قرر
مقال عجبنى للدكتور احمد عماره