[mohamed elshahat]

المشاركة الأصلية كتبت بواسطة moslem2 انا كان معايا الفوكس 2007 وسوقت التيدا 2008 بصراحه لو هتقارن كعربيه ثبات وشكل وفخامه وتكنولوجى وتحس فعلا انك راكب عربيه ومميز الى حد ما يبقى الفوكس بس طبعا سهولة الصيانه وقطع الغيار واعادة البيع فى صالح التيدا والتيدا سحبها خرافى وتكييفها تلاجه زى كل النيسان وعمليه اكتر يعنى لو ماتفرقش معاك الفلوس فى الصيانه فى التوكيل وقطع الغيار يبقى الفوكس وال2007 الى كانت معايا كان التقفيل اسبانى وعلى فكره انا بعتها علشان كنت بزعل عليها فى البهدله وكان لونها اسود كان ممرمطنى لكن اليابانى دوس فيه والصفه المميزه للفوكاس الى مش انسها هى ثبات غير طبيعى مقارنه بفئتها والصفه المميزه للتيدا كانت سحبها وتكييفها فالاختيارين بصراحه حلوين وحسب ظروفك وربنا يوفقك