[طارق عبد السلام]

وعرفنا النهارده مين قتل الشهيد !
كلهم طلعوا براءه قال أيه علشان الدليل
وهو يا ناصح ممكن يجيب الجانى الدليل
ده عند مين عند فل وشرطى ومحقق بس فى طبعوا دنيىء
اقول لكم مين قتل الشهيد
انا من أكتر من سنه مستنى حكم يشفى الغليل وأحط أيدى على رقبه الجانى بس ده الجانى مطلوب منه الدليل آه يازمن عايز يجيب الديب يرعى الغنم وتقولى ده العصر الجديد
تيجى نخرف شويه ونعرف مين قتل الشهيد
مهو ده الزمن اللى فيه تصح التخاريف بصرف النظر عن مين مؤيد لمرسى ومين عايز شفيق مهو بردوا ده علشان ترسى على واحد محتاج منا شويه تخاريف

شوف ياسيدى بما أنهم براءه وهيضيع حق الشهيد

قبل ما يكون شهيد كان البطل ثائر بس ياخساره كان شايل فى جيبه رصاص
رصاص من غير مسدس بس كان شايل رصاص وبعدين ياسيدى من كتر التدافع حصل اللى حصل والرصاص انفجر فى جيبه ومات أول شهيد وعرفنا مين قتل الشهيد
وهلم جرا وشهيد وشهيد وشهيد
وتانى مره علشان تصح التخاريف مين قال للشهيد يشيل فى أيده خرطوش
هو مش عارف انه فى ثوره والاحداث هتسخن وهو ياولداه ايديه هتسخن وينفجر الخرطوش وده مصاب ودى مصابه وفى الاخر تقولى مش عارف مين قتل الشهيد
آآآآآآآآآه يابلد نجحت فى ثوره ومش عارفه تجيب حق الشهيد

من تخاريفى بعد سماع الحكم
ارق التحااااااااااياااااااااا ا