[محمد فيصل]

المشاركة الأصلية كتبت بواسطة cars admire الأن عندى شوية أسئلة 1- ما هو السبب الذى يجعل الفرامل تعمل بدون ما حد يدوس على الفرامل. انا مش حركت العربية لمدة خمسة أيام فما الذى جعل هذا الموقف يحدث؟ تكون محجرة يعنى واخدة هواء بسبب تهوية فى المستر العمومى اللى فوقه قربة زيت الفرامل !! الحل بناخد وش هواء للفرامل لو رجع العيب تانى بنغير حشو ماستر الفرامل وفيه ناس بتسميه طقم اصلاح !! لو بعد سنة رجع العيب تانى بنغير ماستر الفرامل العمومى بحاله !! 2- أنا من ساعة ما حبت العربية من سنة ونصف وأنا كنت بسمع صوت زى حد بيسن سكين على حجر لما كنت بدوس الفرامل بشدة أو بشكل مفاجأ. ده تيل فرامل فاضى وعايز يتغير او يكون التيل نفسه ناشف !!لو ناشف ميضرش لاكن فاضى يضر وياكل الطنابير !! امامى كانت بداية ان ماستر الفرامل العمومى بداء ياخد هواء فا ماكنش الماستر بتاعت الفرامل بتسيب تيل الفرامل لحظيا اول ما ترفع رجلك من على الدواسة !! 3- البطارية دلوقتى هنا هأخذ للشحن ولكن العدسة اللى فى البطارية الجافة بتاعتى كانت سوداء فهل هذا يعنى أنه يمكن شحنها من جديد أن افقد الأمل فيها؟ يعاد الشحن طبعا وتطلع بالعربية مشوار طوالى بالنهار بدون تشغيل تكييف او اضاءة !بعد صلاة الفجر لو تقدر! 4- السيارة فيها نظام ABS وكذلك نظام TCS للحفاظ على الإتزان فهل من الممكن أن يكون العطل فى أى من هذه الأنظمة الذى أدى لشد الفرامل بدون أن يظغط عليها أحد... لا لا تقلق ولاكن يفضل استبدال زيت الفرامل بالكامل لاءن سيارتك بها بارومة وزلك معناه انها كانت فى مدينة ساحلية لفترة طويلة وزيت الباكم للفرامل مليان رطوبة مما جعله بدون كفاءة او فاعلية !! استعمل ده ! او ده او ده LOCKHEED يتم تغيير زيت الفرامل بالكامل للحفاظ على ال ABS

لقد قمت بالاجابة على كل الاسئلة بالكامل صديقى العزيز
ولكن : سيارة العضو الكريم سيارة استيراد من الخارج وذلك مذكور فى موضوع سابق
وعلى ذلك : احتماليه قدم زيت الفرامل واردة ان تكون من الاسباب التى ادت لتلك المشاكل
وكان يجب بعد استلام السيارة عمل مراجعة شاملة لكل الاجزاء والزيوت والفلاتر واطقم التيل الامامى والخلفى وحاله ديسكات الفرامل الامامية والطنابير الخلفية
والمذكور ان العضو الكريم اكتفى بأن الصوت كان يذهب ويعود والفرامل جيدة بالنسبة له
واحب ان اضيف إضافة بسيطة يجب تغير ماستر الفرامل العمومى مباشرة إذا كان موضوع اخذ الهواء لم يأتى بالنتيجة المرجوة