01-06-2012, 02:07 AM
|
 |
من انا؟: أعشق السيارات، أحب اليابانية، الكورية، ولا أفضل الأوروبية
التخصص العملى: استشاري نظم جودة
هواياتي: السيارات - الكمبيوتر
|
|
تاريخ التسجيل: May 2011
الموقع: جدة - المملكة العربية السعودية
المشاركات: 692
|
|
رد: عربية على شاسيه ولا على علب؟؟؟ اتعرف على طرق بناء السيارات
المشاركة الأصلية كتبت بواسطة abokoko
ال لادا على علب -- دى معلومة جديده كنت اول مره اعرفها
ال لادا مقتبسة من الفيات 124 - فهل ال124 على علب برضه
وال 125 على علب
؟؟
|
واضح إني ما قدرتش أوضح الفرق بين أنواع الهياكل لحضرتك بشكل كافي، وللأسف بعض الصور التوضيحية اللي كانت في الموضوع ما بقتش تظهر، وفي ردي السابق على حضرتك كنت جايب صورة واضحة للادا على علب.
اسمحلي أوضح حاجة مهمة
مش معنى إن العربية صاجها ناشف إنها تبقى على شاسيه... العربية اللي على شاسيه هي اللي ممكن تفصل الهيكل اللي متركب عليه الموتور وأجزاء نقل الحركة عن جسم العربية بدون ما تحتاج إلى قص أو تفوير اللحامات... مجرد إنك تفك شوية مسامير حتلاقي الجسم ممكن ينفصل بشكل كامل، زي العربيات النص نقل مثلا.
هسأل حضرتك سؤال تعرف منه اللي قصدي عليه....
هل حصل وشفت عربية لادا عند سمكري وقدر يخلع الشاسيه بالموتور وعمود الكردان والعجل مع بعض حتة واحدة بعيد عن العربية؟؟؟
أكيد لأ
لو حضرتك رفعت العربية في البنزينة تقدر بسهولة تعرف إذا كانت العربية دي على علب ولا شاسيه، لإن الشاسيه المنفصل بيبان بسهولة جدا
بالنسبة للادا... كلها على علب بدون استثناء... كل الموضوع إن الكمر اللي بيقوي الجسم أقوى من المستخدم في الفيات 124
العلب أخدت سمعة سيئة بسبب الـ128، وده مش عيب في العلب، إنما هو عيب في الفيات و الـ128 بالذات.
الفيات 125 كمان على علب (والبولونيز طبعا لإنها مأخوذة منها) ، مش معنى إن العفشة الخلفية على سوست (مش ياي) إنها تبقى على شاسيه.
دي صورة الـ125.... لو تقدر تفصل الأجزاء اللي باينة في الصورة متجمعة مع بعض حتة واحدة على هيكل منفصل... تبقى العربية دي على شاسيه
أرجو إني أكون قدرت ابقى واضح المرة دي
...
|