[AbOnOrA]

الانتخابات مفيهاش ريحة التزيف ولا التزوير ولا التلاعب .. وكلنا رحنا واخترنا علي كيف كيفنا .. والنتائج كانت بتتعرض فورا من كل لجنة وكل محافظة . وانا شخصياً كنت من احد مراقبين لجان عندنا .

افهم من كلامك انك كنت مندوب لاحد مرشحى الفلول واللى اعرفه ان عددكم مكانش مغطى ربع اللجان حتى فازاى بتحكم على اجمالى العملية ده اولاً

ثانياً انا برضو كنت مندوب لاحد المرشحين (مش فلول الحمد لله) وشوفت بعينى خروقات فاضحة للعملية الانتخابية فى لجنة 21 القبة الفداوية تمثلت فى الاتى

1- عدم اطلاع رئيس اللجنة على بطاقات المرشحين وغيرها من باقى اجراءات التصويت
2- السماح (لذوى الاعاقة الذهنية) بالتصويت باملاء من زويهم

بالاضافة لعشرات المخالفات الاخرى فى اللجان وحرمها

على فكره اللجنة ديه تحديداً زارها سيادة المشير بنفسه فى حضورى .. يشكر على تعبه طبعاً بس ما قيمة المتابعة ان كانت شكلية فقط


بالاضافة لألاف المخالفات الاخرى التى رصدتها حملات المرشحين (من غير الفول) وقدمت بها طعون فى العديد من اللجان الاخرى
بالاضافة لألاف المخالفات الاخرى التى رصدها المراقبين ومنعتهم اللجنة من التصريح بها رسمياً
بالاضافة لما تقدم من طعون واستشكالات عن تعمد اخفاء كشوف الناخبين وما بها من تلاعب وتضارب غير منطقى

وطبعاً الطعون كلها رفضت وكانها انتخابات ملائكية لا ياتيها الباطل من امامها ولا من خلفها ولما لا والنتيجة على الهوى وحسب المراد

نتيجة الانتخابات واداء اللجنة محل شكوك من البداية للنهاية ومن المادة 28 لاعلان النتيجة
والنتيجة الحقيقية للانتخابات ( بالالية الرائعة اللى صممها المجلس العسكرى )
ان اغلبية مطلقة مؤيدة للثورة تطلع خسرانة من اول جولة
واقلية غير متجانسة من الاخوان والفلول هم اللى يكسبو
وبعدين تقولى مانا قولتلك انت مليكش ديموقراطية

الديموقراطية ملهاش ذنب يا سيدى
الديموقراطية مقالتش شكل لجنة من قضاه مشاركين قبل كده فى انتخابات كلنا نعلم انها مزورة
والديموقراطية مبتقولش ان المعاتيهه (فاقدى الاهلية العقلية) ليهم صوت
ومقالتش ان رئيس وزرا مسئول سياسياً على الاقل عن جريمة بشعة حصلت على مشهد ومسمع العالم كله وفشل تماماً فى منصب رئيس ورزاء انه يقبل كمرشح لمنصب رئيس جمهورية !

بس نقول ايه اهية انتخابات عسكرى زى انتخابات عسكرى زى استفتاء عسكرى وكلها زتونة سوده واحدة