[Hisham.Elgazzar]

المشاركة الأصلية كتبت بواسطة الايطالى الصغير أستاذنا واخى العزيز Hisham Al gazzar المسألة مش فلوس اطلاقا انت عارف العقدة اللى عندى وعند معظم الناس من الميكانيكى الغريب ومن الخراط الى ما تعرفوش بصراحة عندنا الحاجة اللى ب 5 قروش يقولك عليها 15 جنيه شفت لدرجة ايه استغلال رهيب ربنا ما يوقعك مع حد منهم وانا حصلى 3 او 4 مواقف حرمت من بعدها وعندى اركن العربية ومش هوديها لحد مستعد ادفع له عشر أضعاف اللى طلبه وعليه بوسه بس بمزاجى اشوف شغل تمام واسمع تكاليف معقوله امد أيدى فى جيبى واطلع فوق اللى طلبه زيادة وبرضا انما زيك وزى اى مصرى مكافح مؤمن بالله وملتزم بدينة اكره الاستغلال الاستغلال طبيعة عندهم علشان كده بحاول أستفيد من وجودك انت والاعضاء العباقرة انى احاول على قد طاقتى اجتهد وافهم واتعلم علشان ما اروحش ليهم هو ده السبب وعشان كده لو خيرتنى اختار العلبة الكاملة والعدة الكاملة ب 400 جنيه على 30 جنيه للخراط وهو مستغلنى فهمت ليه انا بدور كثير وأسال كثير واتمنى انك تقولى مثلا العلبة بتاعة اطباق ال 128 تتجاب منين ومقاس الطبق كام والفيللر المتنى ده مقاسة كام الى هضبط بيه واداه خلع الطبق وانا لن اشكرك لانى لن اجد كلام يوفيك حقك فى الشكر لانك استحملت رخامتى وكثر اسئلتى لكن دعائى انها فى ميزان حسناتك يوم القيامة :Wkiss5 :

مفيش حاجة ي انا هنا علشان اساعدك

حضرتك تشرفنا هنا فى القاهرة فى شارع الجمهورية وربنا يسهل بإذن الله

العدة مش هتتكلف كتير وكل حاجة وليها حل

بالنسبة للفيلر والبنسة والمفتاح سعرهم مش هيعدى ال 50 جنيه

لكن طقم الأطباق معرفش سعره

ممكن لما أقابلك نروح على السيدة زينب لناس هناك ونجيب الطبق على نص جنية ولا جنيه
وما انصحكش ابدا انك تشتريهم جداد ( غاليين والاستيراد احسن علشان الخامة)

تمام كده
ولو فى اى استفسار تحت أمرك