[AbOnOrA]

السلام عليكم و رحمة الله و بركاته

لأن الخير و الجمعيات الخيريه متعملتش بس للفقراء مالياً
و لكن للتواصل بكل الأفكار الجميله اللى ممكن نساعد بيها بعضنا البعض من كل المستويات و في كل اتجاهات الحياة

اسمحوا لنا النهارده نتواصل مع حضراتكم من خلال فكرة نتمنى ان تحوذ على اعجابكم

احنا بعد اذن حضراتكم حنبيع ياميش رمضان السنه دي .. في الجمعيه عندنا

و هدفنا طبعاً الربح .. بس الربح بتاعنا هو الثواب ..و دافعنا لهذا العمل بقول رسول الله صلى الله عليه و سلّم ما معناه ( كان الله في عون العبد ما دام العبد في عون اخيه ) احنا كلنا بنشتكي من غلاء الأسعار و لسه امامنا ملابس و مصاريف المدارس .. الخ متطلبات الحياة الصعبه

عشان كده احنا حنبيع بعض انواع من ياميش رمضان بأسعار شراء الجمله بس ( اللى هي اقل بكتيييييير من اسعار البيع في بعض المحلات العاديه ببعض المناطق ) و الفواتير اللى اشترينا بيها البضائع دي و اسماء المحلات مدونه عندنا ان شاء الله في الجمعيه لمن يريد التأكد من اننا مش حاطين هامش ربح

طبعاً هو مش عيب ان الجمعيات الخيريه تبيع بعض المواد الغذائيه لصالح عمل الخير و تتربح منها و في جمعيات كتير بتعمل كده

بس انا بقول موضوع الفواتير و المحلات و اسمائها دي عشان اؤكد للناس صدق الفكرة بتاعتنا
اللى بنسعى لتحقيقها من وراء هذه الخطوة

و هي الإستمتاع بالخير و الخير فقط دون الهدف لأى ربح مالى

و لو الناس استوعبت الفكرة و عجبتها حيكون ده مكسبنا ان شاء الله

اترك حضراتكم مع اسعار الأنواع المتوفرة لدينا و عنوان الجمعيه و مواعيد التواجد بها و ارقام التليفونات

شكراً
مهندسه / منار عقل
جمعية المقطسين الخيريه - جروب المنار الخيري
------------<wbr>---------<wbr>----

الزبيب :- 15 جنيه الكيلو
جوز الهند :- 7.25 جنيه الكيلو
مشمشيه :- 25 جنيه الكيلو
قراصيا :- 22 جنيه الكيلو
قمر الدين نوع نظيف :- 7.50 اللفه
اللوز :- 21 جنيه كيلو ( بقشر ) - 35 جنيه الكيلو مقشر
عين الجمل :- 21 جنيه الكيلو ( بقشر ) - 45 جنيه الكيلو مقشر
فستق :- 60 جنيه الكيلو بقشر

------------<wbr>--------
عنوان الجمعيه :- 85 مساكن التعاونيات الحي الثامن مدينة نصر
الجمعيه مفتوحه جميع الأيام ما عدا الخميس
في المواعيد من 10 صباحاً الى 4 العصر و من 7 مساءً الى 10 مساءً
تليفون:- 24721722

اللهم اجعلنى خيراً مما يظنون و اغفر لى ما لا يعلمون و ارحمنى يوم يبعثون