[mr_astra]

عمر تغيير الديسك والاسطوانة كل كام سنة تقريباً في الشغل المتوسط بدون حموله بس غالب المشاوير طلوع ونزول كباري؟

عارف طريقة السواقة بتفرق كتير جدااااااااااااا فى عمر الدسك والاسطواناة
ناس تلاقيها واقفة اشارة ومدى غيار ودايس دبرياج دة عمر المجموعة عندة قصير
وناس تانية غمزة وانقل ........ غمزة وانقل ويا سلام بقى لو فكيت الغيار بدون دبرياج وخصوصا لو عربية نص نقل ذى اللى بنتكلم عنها بيكون اسهل كتير لان عصاية الفتيس رشق على طول على الفتيس ما فيش اتياش ...........وانا كنت قلت هنا من فترة انك ممكن تمشى كل الغيارات بدون ما تدوس دبرياج بس بصراحة فى ناس هاجمتنى وانا بطبعى ما بحبش مشاكل ولا ادخل فى جدال من وجهه نظرى مفروغ منة فبرتك كل واحد ودماغة لان ربنا لما قسم الرزق محدش عجبة رزقة ولما ادى لكل واحد دماغ كل واحد بيفتكر ان دماغة احسن دماغ فى الدنيا
فخلينا فى الوسط لو عاوز تحافظ على المجموعة عندك يبقى بطريقة الغمز والنقل السريع ودى هاتديك متعة فى القيادة وفى الاشارات حتى لو هاتمشى متر واحد وتقف يبقى تفك الغيار ولما تيجى تفك الغيار مش لازم تدوس دبرياج