[ghaaly]

المشاركة الأصلية كتبت بواسطة mr_astra عاوزك تركز فى حاجة مهمة لما تيجى تشترى العربية سواء بعقد بيع مسجل او توكيل بالبيع والشراء بيانات العقد او التوكيل هاتكون من رخصة السيارة اللى مكتوب فيها رقم الموتور القديم ولما تروح المرور اية اللى يثبت انك اشتريت الموتور دة او اية اللى يثبت ان البائع بعلك الموتور الجديد لو هاتمشى فى اجراءات البيع (السيارة ) امشى عادى بس بشرط انك تاخد البائع وتروح للتاجر اللى اشترى منة الموتور وتطلب من التاجر فاتور باسمك دى مهمة جدااااااااااااااااااا وتطلب من التاجر انة يبعتلك الافراج على المرور يبقى انت معاك صورة من الافراج واصل الفاتور اللى باسمك طبعا وتروح للمرور تفحص وتنقل ملكية وتثبت الموتور الجديد على الرخصة باكد تانى لازم يكون معاك فاتورة باسمك وموضوع الافراج اما ان التاجر يبعت الافراج للمرور او انة يديلك خطاب مختوم من القوات المسلحة ان الجمرك اتحرق فى اعقاب ثورة 25 يناير ودة بيعتبرة افراج نهائى للموتور واى سؤال انا تحت امرك

ربنا يخليك ياباشا على المعلومات الجميله ديه
هو بالنسبه للفاتوره مش مكتوب عليها اسم يعنى ممكن اكتب عليها اسمي اي وقت
تانى حاجة الافراج الجمركي بردوا مش مكتوب عليه اى اسم موجود فقط ختم المستورد فممكن بردوا احط اسمي على الافراج ولا ايه النظام كده ؟

سؤال تانى بقي ياريس وربنا ما يحرمنا منك
دلوقتى رخصه العربيه هتنتهي في شهر 11 سنه 2012 تمام
ومكتوب التجديد فى ظهر الرخصه سنه 2014 تمام
لو انا جيت انقل ملكيه دلوقتى هل لازم العربيه تخش فحص فني وتتجدد ولا ممكن انقل ملكيه واغير الرخصه بأسمي من غير ما العربيه تدخل فحص
وشكرا ليك ياباش على سعه صدرك