بعد التحيه والسلام لجميع اعضاء منتدي مصر موتورز المحترمين
اولا
لست مجبر علي كتابه الكلام ده لان لم يوجد مصلحه بيني وبين ابو فاروق لمصالحته وليس لسبب الايقاف لان كان ممكن اعمل عضويه جديده وادخل المنتدي لحبي له ولكن حرصا مني علي تواجدي باسمي زي ماهو وعدم احساسي بالهروب من شخصيتي او احساس بداخلي اني غلطان او اني مزعل حد مني دون مبرر والدنيا مش مستاهله فعلا
ثانيا وان كان حدث خلاف بيني وبين العضو ابوفاروق وكنت قد بدأت بالهجوم عليه ولكنه لم يتحمل استفزازي وشتمني وده كان بدايه النار
فلا امنع نفسي من قول اني اكن له كل الاحترام و تم ارسال رساله له علي الخاص عشان ميزعلش مني وممن نتقابل في اي مكان لتصفيه النفوس والدعوه مفتوحه لكل من يريد التعرف علي اعضاء منتدي مصر موتورز الجميل
ثالثا
الاستاذ وائل (ابو نورا ) صاحب المنتدي فله جزيل الشكر والاحترام والتقدير لتفهمه الموقف مني ومبادرته الحسنه برفع الايقاف عني وعن ابوفاروق بجد انا بشهد له باحترامه في الكلام وسعه صدره وحرصه علي عدم التخلي عن اعضاء المنتدي ولو فضلت اشكر فيه مش كفايه
ومحدش يقول اني مزودها في الشكر لابو نورا بس دي الحقيقه علما باني برده مفيش مصلحه بيني وبينه
وارد ان الواحد يكون زعلان مع مراته او متخانق في شغله او عنده مشكله فيطلع زهقه علي الاعضاء بدون سبب واضح لمجرد خروج الكبت اللي جواه علي اساس اننا هنا كتير منعرفش بعض شخصيا ويمكن كمان مشوفناش بعض
فا ياريت يا جماعه منزعلش بعض لان اغلب الاعضاء في مصر موتورز وان ما كانوش كلهم محترميين
بحب مصر موتورز واعضاءه وعلي رأسهم الاستاذ وائل
بس بحب مراتي وبنتي اكتر طبعا
يارب ميكونش حد زعلان مني تاني
