[aymanlaw]

المشاركة الأصلية كتبت بواسطة Elsebily طبعا انا فوجئت بالنتائج انا وغيري كتير ومكنتش متخيل اني احمد شفيق يكون له كمية الاصوات دي كلها بس انا نفسي اسال سؤال لكل اللي انتخبوه هو انتو انتخبتوه علي اساس ايه والسؤال مش قصدي بيه اني اضغط علي حريتهم الشخصيه او انتقد تصويتهم لكن هو سؤال للفهم يمكن اقتنع بموقفهم واغير رأيي انا كمان واقول شفيق الافضل بس بجد انا اول ما لقيت اني كمية اللي صوتو لشفيق بالكم ده جالي احساس انا وكل اللي قاعدين زي الاحساس ده بالظبط ومكنتش متخيل اني ارادة الشعب المصري هتخلينا نروح لاعاده بين مرسي وشفيق ونفسي افهم هو الناس ازاي انتخبت مرسي في الوقت اللي شافه فيه نفاق الاخوان وعدم تنفيذهم لوعودهم وغير كل ده وده ازاي اقتنعو ان الدكتور مرسي مع احترامي الكامل ليه يمتلك شخصية رئيس جمهوريه ده انا كنت بتفرج عليه وبنتقد الاخوان في ترشيحهم ليه في الوقت اللي هما محتاجين واحد يحسنلهم صورتهم طيب وازاي شفيق اللي كانت في عهده موقعة الجمل وبعد اما كان كل مؤيديه حزب وطني واللي معروف للجميع انه ضد الثوره اللي حصلت دي من اساسه واللي معروف انه مبارك هو مثله الاعلي واللي لما اتسال عنه قال انه مينفعش الرئيس يكون في موقف زي موقف المحاكمه ده بجد علامات استفهام كتير وحاسس اني بعد النتيجه دي اني دماغي هتنفجر وكل اللي اقدر اقوله بجد حرااااااااااااااااااااااا ام وفي الاخر عامة كلامي ده كنت بفضفض بيه لاني كان نفسي اتكلم واخرج اللي جوايا وعامة بردو احتراما لمبدأ احترام رأي الغير اتمني متكنش فضفضتي دي ضايقت حد من ناخبين حد من الرئيسين الجدد اللي احنا منتظرنهم وفي النهايه كل اللي اقدر اقوله (ربنا لا تؤاخذنا بمافعله السفهاء منا)

حضرتك رديت على نفسك وهو ان الناس الى انتخبت شفيق هى الناس الى انتخبت مرسى حيث لايوجد فرق بين الأثنين فا الأثنين سعيهم لشخصهم وللفصيل الذى ينتمون له ,,,,ياأخى الفاضل الفرق بين الأثنين وباقى المرشحين ان هؤلاء لديهم الباور المال والمصالح ممتدة من عندك وعندى الى اخر بقاع الأرض تربيطات اقتصادية وسياسية ,,,,فمن كان معه الباور استحوز على البقر ,,,,ادفع وأشترى ماهى افواه وارانب ,,,,ارانب بتتصرف يمين وشمال والباطل شغال والتاريخ بيعيد نفسه بس المرة دى ذى بتوع السيما على السريع مفيش وقت ,,,,ياعم الناس بتنسى بسرعة وعيشه فى البلالم وسلملى على الثورة وعلى الى خسارة فينا (اعظم واطهر خلق فى الوجود راحوا راحوا راحو ورحلوا يابختهم يارتنى كنت منهم اخص عليا انانى حبيت الدنيا ياألف خسارة عليك يامصر حبناك وسبتينا لدود الأرض ينهش فينا ,,,,,,,,,,,,,,خلاص خلص الكلام بس يكفينى شرفاً ان من انتخبته فى بلدى كان الأول حمدين صباحى والف شكر لأجدع ناس واقرأو الفاتحة لأبوالعباس ياأسكندرية يااجدع ناس فعلاً صنفتم البصاعة بحق ربنا مع انه لم يكن من المفروض ان توضع الثمرة العطنة(شفيق) مع الفاكة النضرة تانى خلص الكلام