[الايطالى الصغير]

فعلا مسألة محيرة ومضحكة


كتالوج العربية 128


بيقول تنفح الاطار الامامى ( فى حالة عدم الحمولة الكاملة للسيارة ) على 25


وعند بتاع الكاوتش بليه واعوانه


يبصلك من تحت ويقولك


انا ادرى بشغلى ده يتضبط على 28


وفنى الاطارات الى واقف فى محل بيع الاطارات


يقولك الفردة الماكس دى تتضبط فى عربيتك على 35


سبحان الله


آدى حال مصر


كل واحد بمقال


واحد صاحبى اشترى عربية 128 زى عربيتى 1300 سى سى


وجانى بيسألنى انه سامع صوت صفارة لما بيكون ماشى بهدوء سلانسيه لما يضرب فرامل


قلتله والله أعلم انا مش خبرة قوى بس الى اعرفه ان ده ممكن يكون تيل مستهلك او يكون وساخة فى التيل او الطنبورة
او محتاج تضبط زوايا


البيه شارى طنابير ايطالى جديد وتيل جديد من شهرين


وما فيش تهويش ولا جرى بطيش


ده ماشى على قده واستخدامه للفرامل كويس جدا على حد كلامه

والصفارة مش بتطلع الا لما يكون سلانسيه ويضرب فرامل بس


قلتله طيب بس على ضغط العجل

مكن هو السبب مش مضبوط صح

عندى مقاس جبناه وقسنا


لقيت الكوتش مضبوط على 32 كله تقريبا يعنى يديك ما بين 32 الى 33 امامى وخلفى


قلتله انا الى اعرفه انا بضبط الامامى على 25


بديها سنتين زيادة يعنى 26 27 بالكثير لانى ماشى على كتالوج العربية

راح وسأل بليه باشا قاله مين قالك كده دى تتضبط على 28 أقل شىء وكمان تزود سنتين يعنى 30


قريبه فى محل بيع بطاريات وكاوتش


قاله كل دول ما يفهموش حاجة


لا الكتالوج ولا بليه


ده يتضبط على 35 وكل الدنيا بتعمل ده


بصراحة انا متحير


وحبيت أخد رأيكم لانكم فعلا هتحطونا على المعلومة الصح


منتظر رأيكم