[cairo2005]

والله يا جماعة انا كنت قريت من فترة طويلة كيفية ظهور ه1ا الاختراع الفظيع المريع واصوله التاريخية والتي ترجع فيما يري البعض الي السجون الامريكية خاصة في ولاية نيويورك حيث تنتشر عمليات القتل والانتحار في السجون عن طريق استخدام احزمة البنطلونات بجانب استخدامها في المشاجرات ومن هنا كان قرار ادارات السجون بعدم منح المساجين احزمة للبناطيل او السماح لهم بها
ولما كانت البناطيل في معظمها بدون احزمة يكون منظرها ساقط فقد اعتاد المساجين على ذلك وبعد خروجهم من السجن بداوا في عدم ارتداء الاحزمة وترك البناطيل شبه واقعة من الخلف للدلالة على انهم مساجين سابقين لاخافة الاخرين والتعارف على بعضهم البعض
وسرعان ما انتشر الامر حتي تحول الى موضة ومن امريكا طبعا الى باقي دول العالم واولها التافهين اللى زينا
الظريف ان معظم الولايات الامريكية اصدرت قوانين داخلية بتجريم ارتداء مثل هذه البناطيل وشبابنا الحلوين التيت بيخفروا بارتدائها

احكي لكم موقف حصل معي شخصيا الترم الاول من هذا العام حيث كنت اراقب باحدي الكليات في الصعيد واثناء خروج الطلبة لقيت واحد سيس من العيال دي ماشي فرحان بنفسه وهو خارج من القاعة والبنطلون فاضل له لمسة ويقع منه لانه من العينة المذكورة
بيني وبينكم دمي سخن اوي واتغاظت وحسيت انى لو مهزاتوش ممكن يحصل لي حاجة قمت ناديته واديته كلمتين في جنابه لو بيحس كان انتحر بعدهم لكن لقيت الواد بيبص لي بمنتهي البلادة والبلاهة وكانى بكلم نفسي وهو كانه مش سامع اي كلمة اخر ما اتخنقت منه قلت له ولا اقسم برب العزة لو شفتك الامتحان الجاي يا كلب بالزفت ده مانا مدخلك اللجنة وهعملك محضر خدش الحياء العام امشي يا جزمة يا يا يا يا الخ الخ الخ الخ الواد لقاني اتغابيت عليه وانا معروف انى لو اتغابيت على عيل يبقي الله يرحمه اخد بعضه وجري
بصراحة تانى امتحان مدورتش عليه عشان مالقيش نفسي مجبر انفذ حلفانى واضيع عليه السنة واخسر اهله لان البعيد مبيحسش


بالمناسبة دكتور عبد السلام
عندك حق في زعلك انا اول مرة اشوف الموضوع ده
وبصراحة انا كمان فوجئت بكلام الاخ مينز وعذرتك رغم حدة ردك الرهيبة اللى مشفتهاش قبل كدة نهائي لكن الحمد لله الاخ مينز وضح انه مكانش يقصد حاجة واتمني يكون بقة اخ صغير ليك زي معظم الاعضاء في المنتدي
على فكرة لسة مصمم انى هرفع عليك قضية انت وسام راع عشان مش بتقولوا اسمي ههههههههههههههههههههههههه ههههه