رد: رايح صيانة الالف بكرة
السلام عليكم
حضرتك الحاجات دي لا تعتبر شكاوي ، بالضافى الى ان صيانة الاف مفيهاش غير تغيير زيت و فلتر ، واذا كان عندك شكوي من العربيه ، انا عملت الصيانه فى مركز العبور من شهر تقريبا وكانوا ناس محترمين و كنت بأشتكي من صوت فى التكييف ملحوظ بشكل ما لما اكون واقف فى اشاره - بمعني ادق السياره فى حالة الثبات مع تشغيل التكييف (دايره يعني) و بصوا عليها وقالولي متقلقش و عملوا فيها شغل انا مش عارف ايه هو بس الصوت انخفض بنسبة 70 % - بس اللي طمني فى الاخر اني رحت لمنادي واقف فى الشارع اللى ورانا بتركن عندع عربيتين النترا 2012 فطلبت منه تجربة التكييف و العلابيه دايره و واقفه
لقيت نفس الصوت اللي عندي - نفس الصوت - فحمدت ربنا انو مطلعش عيب و قلت انا اللي حساس زياده شويه
اما التكييف المنخفض فانا لاحظت الحكايه ده بس هو مش ضايع - يعني لو متقارنهوش بتكييف الهوندا مثلا هتكون مبسوط وراضي بيه
بس عاوز اطلب منك طلب - ياريت تنقل لنا ما تم في الزياره عشان نستفيد
وفي حاجه كمان - انا سألت مهندس الاستلام - اذا كان يختم كتيب الضمان قاللى مالوش لزمه
واضح انهم بيعتمدوا على رقم الشاسيه او الماتور في متابعة العربيه طالما شاريها من مركز غبور
مش من خلال موزع او معرض مثلا - اعتقد انهم بيتابعوا العربيه من ساعة الشراء من شو روم غبور مثلا والله اعلم
والف مبروك و ربنا يحافظلك عليها
اسف للاطاله
اخوك
|