رد: لادا بالحاله دى تسافر
المهم اتجهنا بس لمبه البنزين كانت منور و خلوا بالكوا من منوره دى
و ده طبعا بعد مافصلت العداد فكيت التابلوه و شلت السلك علشان لقيته من الفتيس متبرشم فقولت بلاش افك البرشام
و على اول الطريق حطينا 20 ليتر بنزين ايام لما كان الليتر ب جنيه واحد يتيم و اقسم بالله بعد ما حطيت البنزين ما كان فى حيبى ولا مليم غير 25 قرش غالبا
و رامى صحبى كان زى حلاتى
و لسه بنقول بسم الله و ماشين ما كملناش 10 كيلو اذا بتاكسى محمل حاجات كتير فوق السقف و منهم ترابيزه من الاليمنيوم اللى بتتنى و تتفرد دى لقيتها فى ثوانى طاير من فوق التاكسى و جايه على وش العربيه عندى
بصراحه اترعبت و قومت عامل حركه بهلوانيه زى بتوع فيلم ماتركس كده بس بالعربيه و الحمد لله عدت على خير
بس كان فى حاجه مقلبه عليا عيشتى و هيه انى لو زودت عن 120 العربيه هتاكل بنزين و بالتالى البنزين من هايقضينى و انا راجع و علشان انا فاصل العداد مش عارف اشوف انا ماشى على كام
قومت مخلى رامى صحبى يطلع من الشباك و احنا ماشيين و يبصى على عداد عربيه جنبنا علشان يشوف عددها كام و نظبط نفسنا
( خايف على البنزين و مش خايف على الرخص لتتسحب هههههه )
هاكمل بليل معلش جالى شغل ناو لان انا بجد بكتب على طول مش بحضر للموضوع اصلا
__________________
®AHMEDCAR
سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|