رد: لادا بالحاله دى تسافر
شوف يا ابو القراصين
انا كان معايا قبل الفيرنا عربية 127 وبعديها 128 وبعديها سكودا 120 اللى موتورها ورا
وكان فى اوقات حالتهم بتبقى اصعب من اللادا اللى بتحكى عليها ويابدوبك حق البنزين برضه وشكرا على كده
وكانت بتجيلى مشاوير اسماعيلية واسكندرية ومرة مطروح والله
كنت باخد العدة كاملة معايا واراجع على المية والزيت وأربط العفشة ب 10 ج و اوقات كتير كنت باستلف فردة استبن من واحد صاحبى واتوكل على الله بس كنت بامشى على 90 اخرى واريح العربية 10 دقايق كل ساعة
وماكدبش عليك كان قلبى بيترعش احسن تعملها معايا والحمد لله ماحصلش حاجة
وكانت بتبقى سفريات زاى الفل وربنا بيسترها
عشان كده ممكن اللادا تسافر اسماعيلية بستر ربنا
وربنا يسترها معاه بس يكون حنين على العربية ومايحملش عليها خالص
ويروح ويرجع بالسلامة ان شاء الله
__________________
عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبى !!( صلاح جاهين )
|