[Vanditta]

المشاركة الأصلية كتبت بواسطة حمادة ونور المشكلة ان انا ببقى ماشى فى امان الله والشارع مش بياخد الا عربيتين بالعافية وفجأة الاقى ورايا واحد عمال يكلكس وأكنه خلاص وراه الوزارة والمشكلة دى بتعصبنى جداا ومش بعيد انزل اضربه

على فكرة انا زيك بالظبط واللى بعملة انى بنتهز اى فرصة انى اوسعلة واخلية يعدى واقولة اتفضل يابية وارتاح من ام الازعاج بتاعة
والمصيبة بقى انى اما بوسعلة اجى ابص علية المفروض الاقى واحد متنرفز مثلا انى ماشى على مهلى ولا حاجة
لأ بلاقية ماشى عادى جدا يتكلم مع اللى جنبة او بيتكلم فى التلفوون او ماشى عادى خااااالص وسرحان ولا فى دماغة
واللى اكتشفة بعد كدة ان اللى بيكلكس كتيير دة بيبقى متعود انة يكلكس اصلا ومايقصدش انك توسعلة ولا حاجة لأ هو بيحب يكلكس وخلاص

فأفضل حل هو انك لو تعرف توسعلة وتعدية وترتاح يبقى تمام
لو مافيش مكان يبقى اقفل ازازك فعلا وشغل الكاسيت وعييييييش